الرئيسية التسجيل البحث لوحة التحكم تسجيل الخروج من المنتدي
 
السلام عليكم (اخر مشاركة : زيـاد العضيله - عددالردود : 0 - عددالزوار : 239 )           »          ابو زياد الصواي خويكم القديم (اخر مشاركة : ابو زياد الصواي - عددالردود : 0 - عددالزوار : 220 )           »          سجل حضورك هُنا (اخر مشاركة : ابو ذيـب الصـوآي - عددالردود : 3498 - عددالزوار : 120923 )           »          قصيدة وطنا🇸🇦 (اخر مشاركة : ابن سحمان - عددالردود : 1 - عددالزوار : 580 )           »          يامل قلبٍ تله❤ (اخر مشاركة : راضي بن ذويبان العضيله - عددالردود : 0 - عددالزوار : 518 )           »          فينا الولاء للموطن اللي كل خيراً يحتويته (اخر مشاركة : راضي بن ذويبان العضيله - عددالردود : 0 - عددالزوار : 501 )           »          مهديااااات أدول (اخر مشاركة : راضي بن ذويبان العضيله - عددالردود : 0 - عددالزوار : 471 )           »          مطير اللي على شبه الجزيره تحمي العاني (اخر مشاركة : راضي بن ذويبان العضيله - عددالردود : 2 - عددالزوار : 546 )           »          مواقع بكل اللغات يسرد سيره الرسول صلى الله عليه وسلم ، ويوضح الاسلام (اخر مشاركة : abouali - عددالردود : 26 - عددالزوار : 3486 )           »          تغطية حفل الاستاذ / ذعار ابن عويض ابن غميض العضيله بضيافة قبيلة السوده من سبيع (اخر مشاركة : التغطيات الإعلامية - عددالردود : 0 - عددالزوار : 1709 )           »         
 
ترحب شبكة منتديات العضيلات الرسميّة بزوارها والمنتسبين إليها من القبيلة وخارجها ادراة الشبكة


الإهداءات

العودة   شبكة منتديات العضيلات الرسمية > الاقسام الادبـيــــة > منــتدى نبــض القــوافي

إضغط هنا لإخفاء أو إظهار متطلبات التسجيل السريعالتسجيل السريع إلى المنتدى
التسجيل في شبكة العضيلات الرسمية مجاني ومتاح للجميع ، تستطيع التسجيل إلى الشبكة من خلال هذا النموذج المختصر ...
إسم المستخدم :
كلمة المرور :
تأكيد كلمة المرور :
البريد الإلكتروني :
تأكيد البريد الإلكتروني :
تاريخ الميلاد :    
 
 موافق وأتعهد بالإلتزام على ماقرأت في شروط المنتدى

الديوان الرسمي للشاعر يوسف غالب العضيله

منــتدى نبــض القــوافي

موضوع مغلق
 
LinkBack أدوات الموضوع انواع عرض الموضوع
قديم 07-05-2009, 04:11 AM   #1

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
Talking الديوان الرسمي للشاعر يوسف غالب العضيله



بسم الله الرحمن الرحيم


إخواني وأخواتي الأعضاء هذا هو الديوان الرسمي للشاعر الكبير يوسف غالب العضيله

والذي من خلاله يتم طرح كل ماهو جديد للشاعر ...






ابدأ بالقصيدهـ الاولى ][ الدسمـــه ][







هوجست انا والفكر ماهو بحيـران=لامن دعا القيفان غصـب اتعنيلـه
بنات فكري برق فوق السماء بـان=يشبه سناهـا خـد بنت(ن)جميلـه
قلته وانا يوسف معي قلـب ولسـان=لامن طرو ربعي رقيـت الطويلـه
حنا ترى قبل النبي بسـم غطفـان=وعقب النبي امطيـر اسـم القبيلـه
حنا ترى قصر(ن)مثبت بالاركـان=مافيه شـي(ن) يقـدر انـه يميلـه
اميرنا الاول تـراه ابـن سلطـان=فيصل سوات الشمس محد(ن)يجيلـه
انشد جبال طويق مع كل الاكـوان=تنبيك عـن منهـو وطاهـا بخيلـه
له فعل واضح من قديمات الازمـان=محفـور فالتاريـخ محد(ن)يزيلـه
قرم(ن)كريم اسبال له قدر(ن)وشان=والحمـل لوكايـد تـرى يرتكيلـه
ومعه صويب الراي والفكر لاهـان=منديـل شيـال الحمـول الثقيـلـه
اقوى من الزلزال واثقل من اطنـان=شلفا تراحيـب البصيـص تشيلـه
محفور(ن)اسمه فالذهب بن سقيـان=مخبور في جيلـه مايوجـد مثيلـه
شاعر وفارس ماهو بيـات انسـان=ابن شـرار اميـر يـاوي دخيلـه
صاهود فارس فالوغى شيخ جبـلان=اتولـع النيـران رجليـن خيـلـه
ترى من منول وفينا ابـن سحمـان=شيخ(ن)من زنـوده يشـب الفتيلـه
متعب ابن جبرين شيخ(ن)وله شان=كـل الـدروب الكايـده تستويـلـه
هاجد ترى شيخ(ن)ومن نسل شيخان=والمرجـلـه يتعبلـهـا وتعنيـلـه
وافخر ليامني ذكرت ابـن عشـوان=فيـه المكـارم والصفـات النبيلـه
نايف ابن هـذال شيخ(ن)لصعـران=كـل الخصـال الفاضلـه تنتميلـه
اميـر للشطـر ومعـروف قعـدان=فيه الشجاعـه والفعـول الجزيلـه
وسطام من فعله يشيبـن الاذهـان=مذكور في فتـح الريـاض ودليلـه
وانا تنومس بذكـر الشيـخ فيحـان=شيخ(ن)على الرخمان وافر حصيله
وفالمعجـزه لاشـك مذكورضيـدان=معـه ولـد بطـاح راع الجزيلـه
عويـض الشـلاح للحـق ميـزان=القاضـي اللـي مايـدور بديـلـه
ابن فضوى مشهورله فعل(ن)يصان=يعـرف حصانـه لتعـالا صهيلـه
ابن كريكر قرم من ضمن فرسـان=يكسب جزيلـه مايجـي بالهزيلـه
غاص البحور وجاب لولو ومرجان=هلال ابـن فجحـان مانهـد حيلـه
فيه الكرم والطيب وخصال الايمـان=من لحظة وجـوده لحـزة رحيلـه
ذكرت انا بعض النشاما من ازمـان=والحين ابذكـر روس كـل القبيلـه
سلم على علوى طليقيـن الايمـان=اهل المكـارم والخيـول الاصيلـه
بقيادة الدوشان مـن عهـد وطبـان=رداتهـم تشفـي الكبـود العليـلـه
في كير وش سوو سلايل كحيـلان=دانت لهـم نجـد العذيـه ف ليلـه
بادو لهـم ميـه يعـدون فرسـان=معهـم اميـر القـوم واعزتيـلـه
وبريه وافين المكارم هـل الشـان=اهل الشجاعه والسيـوف الصقيلـه
تشهد لهـم مشذوبـه وكـل ميـدان=مثل المطـر لنهـال فالقـاع سيلـه
في يوم مشهود(ن)وواضح للاعيـان=طيـارة العـدوان طاحـت ذليلـه
وحنا بنـي عبـاد للمجـد عنـوان=محلنـا فـوق الرجـوم الطويـلـه
اللـي يسالمنـا نوافيـه بحـسـان=واللـي يعاندنـا يبـشـر بويـلـه
فالحشوريـه ذاقـو التـرك نيـران=بارودهـا ينسـاق مثـل المخيلـه
شجعان مانرهب ومن ظهر شجعان=والمـوت مانخشـاه حنـا نجيلـه
والضيف نذبحله جزيلات وسمـان=والعود الازرق معـه بنـه وهيلـه
ولآد العضيلي قوة(ن)فـوق بركـان=في ثورتـه لاشـك مافيـه حيلـه
فالقرن دانت سطوت عيال عقصان=افعولـهـم والله مـاهـي قليـلـه
ماجبت بدعه واضح(ن)كل برهـان=هاذا الصحيح وكـل شـي بدليلـه
والله لودمـي مهـو دم مـطـران=لاقـص شريانـي واغيـر فصيلـه
وكل القبايـل وافيـه دون نقصـان=إلهم فعل وإلهـم خصال(ن)فضيلـه
واليوم بعد الله فـي خيـر وامـان=بحكم السعود اللي شجرتـه ضليلـه
دولة هل العوجا وهي خير الاوطان=دولـه لهـا هيبـه ولاهـي دويلـه
خادم بيوت الله لنـا خيـر ربـان=في قلوب شعبه لـه مكانـه جليلـه
يمشي على السنه ولاهـو بغلطـان=ويحارب اهل الزيف واهل الرذيلـه
وحنا على يمنـاه لوكـان ماكـان=معه علـى العسـرات والمستحيلـه
فالدين والدنيا تـرى كلنـا اخـوان=نمشي على نهـج النبـي وسبيلـه
قصيدتي تمت وانـا خاطـري زان=بفضل الـذي نخضعلـه وننحنيلـه


ساعد في نشر والارتقاء بنا عبر مشاركة رأيك في الفيس بوك




hg]d,hk hgvsld ggahuv d,st yhgf hguqdgi



 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman

التعديل الأخير تم بواسطة ابن سحمان ; 07-05-2009 الساعة 05:27 AM

Digg this Post!Add Post to del.icio.usBookmark Post in TechnoratiTweet this Post!
قديم 07-05-2009, 04:38 AM   #2

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله



القصيـدهـ الثالثـه ][ فيـك الحــلآ ][




الحب لاجل عيونك السود مخلوق=والقاف ياروحي عشانك بنيته
أعيش فيك العمر ياغاية الشوق=والقلـب شريـانه بحبك رويــته
من قو عشقك شفت كل البني عوق=سحرك تمكن لين شوفي عميته
شفت الزهر مع طلعة الشمس بشروق=يقول شفني نابتن عند بيته
الحسن والتقدير والطيب والذوق=معها الدلال اللي بطبعك رأيتــه
فيك الحلا واللين والقد ممشوق=كل الجمال اللي نشوفه حويته
تكفيني الاشعار لاسقتها سوق=تصوّر احساسي معك لاحكيته


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
قديم 07-05-2009, 04:44 AM   #3

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله



القصيـدهـ الخامسـه ][ بعـض الرجـال ][



بعض الرجال اقوالها حد كالسيـف=قول(ن)يعـده ماتجيبـه سمـاجـه
احرص على الطيب وكب الملاقيف=قرم(ن)ليـا منـك نخيتـه يواجـه
بعض الرجال فحزته له مواقيـف=يوثر على نفسه ولـو إلـه حاجـه
خلك حذر لاصار مافيه توصيـف=ماضاع من ولع في ظلمى سراجه
احذر تردد ساقطـات السواليـف=ثم اتخبط فـي سمـوم وعجاجـه
من دور الحكمه يكـب التخاريـف=ويشرب قراح الماء ويترك هماجه
حذرا تصك الباب لاجالك الضيـف=ترى كريم النفس مطلـق حجاجـه
ترى الرخوم يحسبـون التكاليـف=وينزلون الـراس مثـل الدجاجـه
من لايعـدي عاليـات المشاريـف=يصبح على درب الردى واندراجه
ولاضاقت الدنيا وجات الصواديف=أطلب من المولى يجيـك انفراجـه
يالله جنبني عـن الميـل والحيـف=واعصم لساني عن هروج العواجه


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
قديم 07-05-2009, 04:47 AM   #4

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله



القصيـدهـ السادسـه ][ سـر ياقلـم ][




سر ياقلم واكتب من الشعر تذكار=في منتدى ربعي ومن جاء يزوره
دام البقـا للـي يرحـب ويختـار=ازكى الكلام العذب فاحت عطوره
مطران نسل احرار وتورّث احرار=وفعولهم طول الزمـان مخبـوره
في منتداكم جيت اشارك بالأشعار=وابروز احساسي وحطه بصـوره


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
قديم 07-05-2009, 04:54 AM   #5

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله




القصيدة التاسعة ][ جمر الوله ][



اقول احبك واعترف ميت(ن)فيك=ليتك تروف بحالتي ياضنيني
ارجي وصالك يوم قلت مساعيك=عليك لوعات الغرام اتحديني
يبست غصون القلب ربي يجازيك=حجبت عنها غيمتك من سنيني
اضحك مع العالم وحاول تناسيك=وجمر الوله في داخلي يكتويني
حتى وانا قاعد لياحل طاريك=افز كالمقروص وافرك يديني
تبحربي الاشواق تقصد مراسيك=والمشكله مرساك مايحتويني
ياهم تطويني وانا ازريت لاطويك=مثل السراب اللي اشوفه بعيني
ياليت ماكان لحياتي شبابيك=حتى ماشوف جروحها تعتريني
ليلي حزن ودموع عيني تعزيك=تنعى نهاية وصلنا والحنيني
اول تقول اني حبيبك وشاريك=واليوم تنكر حبنا ماتبيني
كل القصيد اللي طروقه تحاكيك=يستغرب اللي صار بينك وبيني


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman

التعديل الأخير تم بواسطة يوسف بن غالب العضيله ; 11-15-2009 الساعة 04:24 AM

Digg this Post!Add Post to del.icio.usBookmark Post in TechnoratiTweet this Post!
قديم 07-05-2009, 05:01 AM   #6

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله




القصيدة الحادي عشر ][ ثياب الحدادي ][

ليش القسى يازين والهجر والصد=ماتدري اني عقب فرقاك غادي
اراقب امواجك اباقف على المد=واثري بدون اشعور في وسط وادي
حاولت انا اكسر حاجزك والغي الحد=قابلتني بصدود واكثر عنادي
كنت احسبك تمزح ولاتحكي ابجد=واثرك على نيتك تقصد بعادي
اقول مذبوح(ن)معك حالي انهد=وتقول ذا طبعي وعندي مبادي
ترخي معي احيان واحيان(ن)اتشد=بس القطاعه شي ماهو بعادي
احاول اقربلك وتاخذ وتبعد=تشبه سراب الصيف علم(ن)وكادي
حاولت انا اتحمل وحاولت ابصمد=لكن رياح الشوق هزت فوادي
رجعت خطوه بكرهك وامحي الود=لكن زاد وفيني الشوق زادي
في غبة احزاني غريق اتنهد=واتذكر احلى ايامنا والودادي
اليوم من غيرك حرام انه يعد=عن الف يوم امن النكد والجهادي
ياليتني انساك وارتاح واركد=حتى عيوني تهتني بالرقادي
ذبحت نفسي بالسهر والتوجد=والموت باعلى الصوت يمي ينادي
عندي طلب من قبل لاسج فاللحد=لامت..لاتلبس ثياب الحدادي


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman

التعديل الأخير تم بواسطة يوسف بن غالب العضيله ; 11-15-2009 الساعة 04:25 AM

Digg this Post!Add Post to del.icio.usBookmark Post in TechnoratiTweet this Post!
قديم 07-27-2009, 05:10 PM   #7

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله



القصيـدهـ الثـاني عشر ][ اعتزلت الحب][




ياناس انا مالي ومال المشاريه=اليا اعتزلت الحب خيره وشره
خلوني اسلى عنه كله ولابيه=قاسيت انا برده وعانيت حره
قالو علامك ماتفكر بتاليه=منشان ماياخذك في حين غره
قلت اسمعو مني ترايه معانيه=لاتولعون الحب طفيت جمره
يازينه منوّل ليا ذقت صافيه=واليوم لاوالله فيه المضره
باسباب منهو بالغلا كنت شاريه=ثم باعني برخيص واقفيت مره
كنت اعشقه واهواه واسهر وحاتيه=ولو باحت سدودي مابيّحت سره
لاغفيت جفونه حناني يغطيه=واليوم يجفاني وكله مسره
ابشطبه من دفتر الحب وامحيه=والقلب عاف ولاله اليوم كره
هو يحسب اني كل ماحل طاريه=افزله واقول لله دره
ماهو بلاوافي ولاني موافيه=ماعنده امن الحب مثقال ذره
انا كذا طبعي ومن راح ماقفيه=والله ماني له بقصاص جره
كتبت شعري لاجل قلبي واسليه=ماسقت له شعري عشان اتشره
توبه من اشعار الغزل والحكي فيه=الا ان نزل ثوبي مافكيت زره


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman

التعديل الأخير تم بواسطة يوسف بن غالب العضيله ; 11-15-2009 الساعة 04:27 AM

Digg this Post!Add Post to del.icio.usBookmark Post in TechnoratiTweet this Post!
قديم 08-12-2009, 08:58 PM   #8

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله




القصيـدهـ الرابعه عشر ][ العضيلات][




يالله ياللي تعلم السر والغيب=يالرب يامنشي صدوق الخيالي
يامدبر الدنيا بحكمه وترتيب=انك تجملني ليا جا مجالي
وابعد عن الزلات والشك والريب=وارقى على كل الرجوم الطوالي
واسمو مادام الشعر معنى واساليب=لاصار في ربعي خيار الرجالي
ادور الجزله واكب الهذاريب=واصيح لافكاري وغصب اتعنالي
اصرف من المعنى بفن(ن)وتهذيب=اغلى من جنيه الذهب والريالي
لاد العضيله وافرين المكاسيب=امعربين اجدودهم والخوالي
حنا رقينا فوق روس المراقيب=من طلعة الدنيا ليوم الزوالي
مانشرب الا صافيات المشاريب=لامن وردنا كل عد(ن)زلالي
ولامن لفانا الضيف خير المعازيب=تفخربنا لاشك صفر الدلالي
اهل صخى ومكملين المواجيب=ومانذبح الا الطيبات الجزالي
معنا عطايا الله حرش العراقيب=جرد الرقاب النادرات الغوالي
حنا هل المعروف والعدل والطيب=ولانقرب ادروب الردى والخمالي
حنا هل النخوه ولابه عذاريب=وحنا هل الميقاف واهل الخصالي
وقفاتنا وحده بوقت الصواعيب=ونشيل حمل(ن)ماتشيله جبالي
حنا ترى الشجعان عكف الاشانيب=ومادامنا شجعان لا مانبالي
الصقر مايشبعه غير المخاليب=وحنا صقور(ن)مانصيد الهزالي
انعامل الطيب بطيب(ن)وترحيب=واللي يعادينا مايلقى مجالي
اللي من الدنيا صلته اللواهيب=يلقابنا من جور وقته ظلالي
في سترنا تبقى البنات الرعابيب=شرع(ن) لنا من مبطيات الليالي
صغيرنا من طلعته كنه الذيب=وكبيرنا حاز الشرف والكمالي
نظراتنا فوق النجوم المشاهيب=لاشك مانرضى بغير المعالي
فالتجربه شايب ولو ماظهر شيب=وامشي على وضح النقا باعتدالي
قلته وانا عضيله معي حق ومصيب=يشهد لنا التاريخ باول وتالي
شمس الخلايق تشرق الصبح وتغيب=وشمس العضيله شارقه ماتزالي
قصيدتي تمت بمعنى وتركيب=والبال مرتاح(ن)وانا طاب فالي


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
قديم 08-29-2009, 05:49 AM   #9

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله




القصيـدهـ السادسة عشر ][ثر الصمت][


لاتحسبيني في ثرى الصمت مدفون=اسمع صدى صوتك بنبض القصيده
اركب الصــوره مع البيت بفنون=لانك على بيت القصيده فريده
انتي مثل بيت(ن)به القاف موزون=بس المشاعر غايبه ماتفيده
ودي اوضحلك وانا جد مامون=على عقارب ساعتي ياعنيده
قالت اشوف انك من الوقت مغبون=ونفسك على مافات ودك تعيده
محد(ن)ترى فينا بضامن ومضمون=ويدبر المولى بنا مايريده
قلت الوكاد اني من الحب مطعون=وجروح قلبي في جروح(ن)جديده
قلبي خسر في ساحة الحب مديون=والقلب يالمضنون غلّق رصيده
لوتنشرى كل المشاعر بهالكون=كان الاحبه في سعاده مديده
حاولت اذوب ثلج هجرك على هون=بعد كسى قلبي بقايا جليده
عجزت انا اوصلك ووافيك بشجون=مثل السراب اللي قريبه بعيده
راحت حياتي بين صاحي ومجنون=ياجعلها دايم حياتك سعيده


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
قديم 09-27-2009, 04:03 AM   #10

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: الديوان الرسمي للشاعر يوسف غالب العضيله



القصيـدهـ السابعة عشر ][اقلب الماضي][



اقلب الماضي واهوجس انا فيك=واسري مع الهوجاس واقول لاحت
اشعلت قنديل الرجا جيت اناديك=والنور ظلّم والليالي تناحت
العين والوجدان والقلب يشكيك=والروح من فرقى المحبين ناحت
الدمع سكاب(ن)ليا حل طاريك=حتى ملامح وجنتي منه ساحت
تذكري قلب(ن)يحبك ويغليك=وهمومه اللي فالحشى ماستراحت
النوم من عقبك عسى الله يجازيك=فارق عيوني ياحياتي وشاحت
اول حياتي عشتها لاجل عينيك=واليوم روحي عقب فرقاك راحت
ياشعري المحزون روح ولاابيك=شققت انا اوراقي والاقلام طاحت


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman

التعديل الأخير تم بواسطة يوسف بن غالب العضيله ; 11-15-2009 الساعة 04:30 AM

Digg this Post!Add Post to del.icio.usBookmark Post in TechnoratiTweet this Post!
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الديوان الرسمي للشاعر راشد مناور العبداني ابن سحمان منــتدى نبــض القــوافي 23 05-07-2011 01:50 PM
الديوان الرسمي للشاعر بندر زايد العضيله "معاصر الايام" ابن سحمان منــتدى نبــض القــوافي 11 11-12-2010 02:49 AM
الديوان الصوتي للشاعر يوسف غالب العضيله ابن سحمان منتــدى الصوتـيــات 12 01-15-2010 02:03 PM
الديوان الرسمي للشاعر جمال مرزوق العضيله "أبونايف" ابن سحمان منــتدى نبــض القــوافي 15 11-08-2009 03:46 PM

Facebook Comments by: ABDU_GO - شركة الإبداع الرقمية

الساعة الآن 01:27 AM.



Powered by vBulletin
Copyright ©2000 - 2019, Jelsoft Enterprises Ltd

HêĽм √ 3.1 BY: ! ωαнαм ! © 2010

... جميع الحقوق محفوظه لمنتديات قبيلة العضيــلات من مطير ...

.. جميع المواضيع و الردود تعبر عن رأي صاحبها ولا تعبر عن رأي ادارة منتديات العضيلات ..

a.d - i.s.s.w


Content Relevant URLs by vBSEO 3.5.2