الرئيسية التسجيل البحث لوحة التحكم تسجيل الخروج من المنتدي
 
السلام عليكم (اخر مشاركة : زيـاد العضيله - عددالردود : 0 - عددالزوار : 251 )           »          ابو زياد الصواي خويكم القديم (اخر مشاركة : ابو زياد الصواي - عددالردود : 0 - عددالزوار : 231 )           »          سجل حضورك هُنا (اخر مشاركة : ابو ذيـب الصـوآي - عددالردود : 3498 - عددالزوار : 121547 )           »          قصيدة وطنا🇸🇦 (اخر مشاركة : ابن سحمان - عددالردود : 1 - عددالزوار : 588 )           »          يامل قلبٍ تله❤ (اخر مشاركة : راضي بن ذويبان العضيله - عددالردود : 0 - عددالزوار : 530 )           »          فينا الولاء للموطن اللي كل خيراً يحتويته (اخر مشاركة : راضي بن ذويبان العضيله - عددالردود : 0 - عددالزوار : 513 )           »          مهديااااات أدول (اخر مشاركة : راضي بن ذويبان العضيله - عددالردود : 0 - عددالزوار : 481 )           »          مطير اللي على شبه الجزيره تحمي العاني (اخر مشاركة : راضي بن ذويبان العضيله - عددالردود : 2 - عددالزوار : 557 )           »          مواقع بكل اللغات يسرد سيره الرسول صلى الله عليه وسلم ، ويوضح الاسلام (اخر مشاركة : abouali - عددالردود : 26 - عددالزوار : 3497 )           »          تغطية حفل الاستاذ / ذعار ابن عويض ابن غميض العضيله بضيافة قبيلة السوده من سبيع (اخر مشاركة : التغطيات الإعلامية - عددالردود : 0 - عددالزوار : 1718 )           »         
 
ترحب شبكة منتديات العضيلات الرسميّة بزوارها والمنتسبين إليها من القبيلة وخارجها ادراة الشبكة


الإهداءات

العودة   شبكة منتديات العضيلات الرسمية > الاقسام الادبـيــــة > منتدى الشعر المنقول لشعراء العضيلات

إضغط هنا لإخفاء أو إظهار متطلبات التسجيل السريعالتسجيل السريع إلى المنتدى
التسجيل في شبكة العضيلات الرسمية مجاني ومتاح للجميع ، تستطيع التسجيل إلى الشبكة من خلال هذا النموذج المختصر ...
إسم المستخدم :
كلمة المرور :
تأكيد كلمة المرور :
البريد الإلكتروني :
تأكيد البريد الإلكتروني :
تاريخ الميلاد :    
 
 موافق وأتعهد بالإلتزام على ماقرأت في شروط المنتدى

المسيرة الشعرية للشاعر هلال بركه العضيله

منتدى الشعر المنقول لشعراء العضيلات

إضافة رد
 
LinkBack أدوات الموضوع انواع عرض الموضوع
قديم 01-19-2010, 01:35 AM   #1

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
Lightbulb المسيرة الشعرية للشاعر هلال بركه العضيله




السلام عليكم ورحمة الله وبركاته



المسيرة الشعرية للشاعر هلال بركه

اسم وتاريخ ونشأة الشاعر

هلال بن بركة بن سويكت الجبيل العضيله المطيري "رحمه الله"
من مواليد بلدة طلال في 1 / 7 /1324 هـ عاش في أول حياته بين طلال وبطحي ثم انتقل إلى منطقة القصيم وعاش بين محافظة الرس وقرية الدحله وكان رحمه الله رجل متدين كريم وكان متولع في الصدي فله ذكره الطيب مع ربعه فقد خلف لنا موروث شعري ثمين وخلف لنا رجال من خيرة رجال قبيلتنا العزيزة أطال الله في اعمارهم

وفاته

توفي الشاعر الكبير هلال بن بركة الجبيل العضيله في تاريخ
14 / 7 / 1426 هـ

يتبع


ساعد في نشر والارتقاء بنا عبر مشاركة رأيك في الفيس بوك




hglsdvm hgauvdm ggahuv ighg fv;i hguqdgi



 
التعديل الأخير تم بواسطة ابن سحمان ; 01-20-2010 الساعة 03:10 PM

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 01:59 AM   #2

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .







له العديد من القصائد الجميلة منها الوطنية ومادخل في الحكمه وكذلك القصائد الاجتماعية , كما أنه يجيد فن المحاورة وله محاورات عديدة وكثيرة مع بعض رموز هذا الفن ,,,,

عندما تحدث شاعرنا عن وطننا الحبيب .. قال هذه الابيات من قصيدة طويله:

نجدٍ وسيع ويأخذ الحي والميت=مفتحين ابــــوابه اخــــوان نوره
حده بحر جدة اليا منتج الزيت=واللي وراها زود ما أعرف حكوره





وعن حكامنا الكرام قال شاعرنا :


آل السعود مطوعين الطواغيت=من ماكرٍ ماجاء التبع في صقوره
من ماكرٍ نادر هل العرف والصيت=مافيــــه تبع والا فــروخ محقوره
هدوك يانجد الصعب لين حنيت=عقب الهديــــــر اللي تروع زفوره
وأطعتهم من حيث ماصغوك اصغيت=أطوع من الوالد لتـــــــــالي بزوره





وتحدث عن شجاعة مؤسس المملكة جلالة الملك عبدالعزيز بن عبدالرحمن آل سعود "طيب الله ثراه" حيث قال :

مرحوم ياعودٍ على نجد عييت=وأحييت فيــــه الدين بعد دبوره
مفارسه يصبح بها الدم ويبيت=والذيب يشرب منه ويكب سوره
ولولا كذا ما كان فوقه تعليت=وأخذت بزمامه وركبـــــــت كوره



وعندما عايش شاعرنا حياة الحضاره تذكر حياة البادية وقال قصيده تعبر عما تغير عليه من مقتنياته نختار من هذه القصيده هذه الابيات :

يادلتي تبدلت بأم حنحون=ونار العشاء تبدلت بالسراجي
وقدّت حطبها ماشريناه بديون=ماله ثمن ياكود قول النهاجي
والنجر بدلنا دنينه بطاحون=ومحماسنا الاول تبدل بصاجي
وبدلت نسناس الذواري بفريون=وبدلت مرقاب الضحى بالحراجي


وعن الهجن "سفن الصحاري" تذكر شاعرنا دورها الاول ومانتقوم به من خدمة لنقل الانسان من مكان إلى آخر حيث قال :
تبكي سمان الهجن من عام ستين=تبكي على قطع الفرج كل حره
تبي الشداد وطق روس الحواجين=وأن درهمت توحي للارسان صره
نجدٍ صعب ومعسفه غيرهن وين=سفايـــن الصحراء بوابيــــــر حره
تحمد الله وارتعي لاتعنين=يجــــيك بالاخبـــــــــار سلكٍ نجره
ولا حديدٍ نطعمه صاع بنزين=طرفة نـــــهار ونــــــــجد كله يفره


ويتذكر في ابيات من هذه القصيدة "الدلال والنجر" حيث تبدلت بوسائل أخرى حديثه فيقول :

تبكي الدلال اللي فناجيلها الصين=النجر يبكي والبكاء ما يسره


غدا عليه الصوت بين العشاوين=ماعاد يوحي للرجاجيل كره

يانجر لاتبــــــــكي ترانا غنيين=معاد لنـــــا فيك مثقال ذره
نجيب طاحونه وكهرب وسكين=شغلك سنه تكفيه ساعه تمره




وشاعرنا من هواة الصيد وله قصائد معبرة عن هذا الموضوع نختار منها هذه الابيات:


يا بندقي هاذي شريتك عشاقه=ماهو طرب والا لغاره ومغيور
من شبتي قلبي يحب الدفاقه=والمحزم اللي فيه دقات وقمور


وبعد انقراض الصيد يقول شاعرنا :

يابندقي ماعاد به ظبي نرميه=مير استريحي مثل بندق هل السوق


الظبي راح ولابقى غير طاريه=تريحي عقب العـــــناء يأم صنــــدوق




أما في الرثاء فله العديد من القصائد ونختار هذه الابيات من قصيدة تذكر فيها والده بعد وفاته حينما مر على أحد المواقع التي سبق أن نزل بها مع والده فيقول


هلال لضلع العفرويش جابه=أطر عليّه منزلي في طروفه


الخط ليته مبعدٍ عن ترابه=ماودي امره ولا أفرح بشوفه

أنا وابويه قد نزلنا جنابه=نجلس على كيفٍ حدانا يحوفه
أن جاء مسير قلت يامرحبابه=وان رحت أن يمه خطاي مخلوفه




أما من شعر المراسلات فقد ارسل اليه الشاعر / فرح بن هذال المطيري هذه الابيات يتذكر فيها أبناء جيله حيث يقول :


ياهلال انا من تالي الوقت محتار=مالي جدا الا ونتي ونهتاتي
عينت ناسٍ تكرم الضيف والجار=اللي كبّر واللي يقولون ماتي



فرد عليه الشاعر / هلال بقصيده طويله نختار من هذه الابيات /

هيض علي اللي بدا القاف واختار=واختار من زين اللحون كلماتي
وقام يتفكر في زمانه وماصار=وأطرت عليه علومه الاولاتي
الوقت ماش أحدٍ يرده اليا دار=وماقدر المولى على العبد ياتي



 
التعديل الأخير تم بواسطة ابن سحمان ; 01-20-2010 الساعة 04:06 PM

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 02:12 AM   #3

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .





دلــــــــــــــــــــــتي..





ودلتي تبدلت بــــأم حنحـــــــــون
.........ونار العشاء تبدلت بالســــراجي
وقدت حطبها ماشريناه بديـــــون
.........ماله ثمن ياكود قــول النهــــــاجي
والنجربدلنا دنينه بطـــــاحـــــون
.........ومحماسنا الاول تبدل بصــــــاجي
وبدلت نسناس الذواري بفريــون
.......وبدلت مرقاب الضحى بالحـــــراجي
قالوا تدلل قلت ماهو بمن هــــون
.........أخاف أصيح ليـــن تابس وداجـــي
مادري يجيني قرش وإلا يعيـــون
>>>.......وأصير بين المّــــدعي والمحاجــي
أطب وأطلع ماعرف وش يقولون

....وأن جيت أبشري ماعرف وش خراجي
ناسٍ على كل البضايع يصيحــون
...........مجمّـعين الحاليــــــه وا لـهـماجـــي
وأن ماعرف اللي لفعله يعرفــون
.......معاودين لفردهــــــــا والكمــــــــاجي
أن جيت أبا أكذب للكذب ملعـــون
........ولا هو رفيقٍٍ لي ولامنـــه راجــــي
اخترت عنه اللي له الناس يرجون
.....وطلعت والمكسب ماغيــــر إدراجي
فرخ الاماني حال من دونهاالشون
...........لو شلتها شيل بليــــــــا مزاجـــــي
ولو احتزم قالوا لي الناس مجنون
.....وأكثر حراهم يصرفولي عــــــلاجي
والقفش الاشقر نشتري عنه صابون
.......والطير حطينا بوكـــــــره دجـــاجي
وأيضا بعد يطلب عليه تلفـــــــزون
.......وأن قلت لا لقـــــوا علي أحتجـــــاجي
أشتر مثل جيرانا يوم يشـــــــرون
........الحضر واللي يترلـــون الزراجــــــي
قلت أشتريه أتبع رضاكم وممــنون
.......وجبته وجاني بالعجم والخــــــــواجي
من العرب والجن والانس مسكـون
......وله على كل الوجيـــــــــــه إدهــــاجي
هم اليا أسمعوا بصوته يعجبـــــون
.........وأنا إذا شفتـــــــه يجيني سنــــــاجي
وبيت الشعر بعته بصبه ومعجــون
....إلياحكيت أكثــــــر علي اللجـــــاجي
له رفةٍ خطارها ما يطقــــــــــــون
........مفتاحها ماهـــــــــو برقمٍ وتـــــــاجي
مطوله عمدانها يوم يبنـــــــــــون
........ والموخرات قصيراتٍ عــــــــــراجي
مفتاحها ما هو من السوق مسنون
.......مفتاحها رد الســـــــــــــــلام الهجاجي
واللي تيسرعندنا الربع يلقـــــون
..........والقل يحدا والبخــــــــل ما ينــــاجي
والجود ماهو كل الايام مضمـــون
.........يــــومٍ يغيب وبعض الايــــــام يــاجي
عيت تطيع وبعتها بيــع مغبــــون
........عـــز الله أني بعت فلـــــت حجـــاجي
حتى العصا اللي مايجي دونها دون
.....جت دونها السبحه وراحـــــــت مراجي
ما باقي إلا البيت والبيت مرهـــون
........يارب حسن الخاتمــــــــــه يامنــــاجي
ولولا الرهن ما هو عن البيع مكنون
........امديه مع تالي الرمــــــــــك فالعجاجي



 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 02:20 AM   #4

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .





>
بعض االصفات الحسنه التى كان يتصف بها
فكان يتصف بالدين والامانه والصدق ومحبته لربعه ومن الشواهد على حبه لمدح ابناء قبيلته
في احد قصائده وهو ينزههم عن شرب الدخان بقـــــوله
وايــــضا تـــرى فيـــهم عــــلامــــه مـن الــدين

....>>.... مـامنـــهم اللـــي قــــال جـــيــب اتـــعـــميـره
ومن الابيات التي تدل على حبه للصدق قوله
أن جـــــيت أبا أكــــــذب للكـــــــذب ملعـــون.

...........ولا هـــــو رفيــــقٍٍ لــــي ولامنــــــه راجــــــــــي
وكان من اومناء القبيله الذين خدمو ها في الحصوص و حل مشاكل الدم التى تتعرض لها القبيلة
كما انه كان محبوب من جميع ربعه فلم نسمع عنه في يوم من الايام اي خلاف او خصومه بينه وبين اي طرف سوا من القبيله او خارجها


وكان الشعراء يراسلونه لحبهم لشعره فكانو يتلذذون لرده وذلك الشاعريته الفذه
ومهما قلت لن اوفيه حقه من الصفات الجليله
فرحمه الله رحمه واسعه واسكنه فسيح جناته





 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 02:32 AM   #5

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .





البندقيــــــــــه ..


قصيدة لشاعرنا في أحد مواقف القنص والصيد يخاطب فيها بندقيته
يابندقي من مال الاجواد شاريك
#>>>>## شاريك بالخمس الميات القويه
عديتهن عـــــــد في كف راعيك
>>>> ### ما رحت عنه وباقياً لــــه بقيه
وأقسم سفر عيالي الله يـــــــذيك
##>>>...# ما قط خليتك زهابـــــــك بليه
وأنقي من الاسواق شقرٍ مشاويك
#........## من وارد النقريز نــــارٍ وليه
وهذا جزايه يوم أصونـك وأدريك
##>>>>>># هذا جزاية فعلك اليـــوم فيه
أقطع لك الحقــــه من اللي تواليك
#......## وتدورين الدرب غصبٍ عليه
ياليت راعي الفرق ما كان يوحيك
##........# ليته بعيداً عنك هاك العشيه
والعصر الآخر ماش حظٍ يباريك
##.>>>.# حس ٍ كبير وزاد هذي بذيه
وردة البندقيه على شاعرنا
وراك ترمش يوم نشت الحواريك
##>>>>>>># وتمدني للي بعيــــــــــداً عليه
قبل أمس يوم الذيب جاء فالمداريك
##...# حطيت له في مقطع الكوع كيه
والضبعة النمرا جراهـــــــا مهاليك
##>>.....# اللي رماها الله بســــوء المنيه
والعام يوم الصيد جالـــــــه دواكيك
###>>>>>>> ستين مابيـــــن الشني والثنيه
ولاهمني أن صدقوك الضـــــواحيك
#.........## اللي يحبون الملامــــس عليه




.



 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 02:49 AM   #6

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .







هذه قصيدة في رائد الفضاء صاحب السمو الملكي /سلطان بن سلمان بن عبدالعزيز ال سعود حفظه الله




حنا العرب وابن العرب مابنا شكاك
.......&&& الشيخ اوبونا والصغير ولدنا
وحنا اهل المعروف مع دور الافلاك
.....&&& ان عسرت الايام نبذل جهدنا
ودخيلنا نجيه مـــــن حوض الادراك
......&&& وليا تواعدنا نجي في وعدنا
اتراث من جد قديم ورثنـــــــــــاك
......&&& اتراث يارث بها اللى عبدناه
والله عطانا البيت مــــنا ومنـــــاك
.....&&& وانا احمدالله يوم جاء في بلدنا
المشكله لو هو ورا دار الاتـــــراك
......&&& نلتف ويتلف مالنا ماوردنـــــا
وكتابنا القران تنزيل مـــــــــولاك
.......&&& الله رزقنا به على ماوعدنا
ينطق عرب من حيث ماجيته افتاك
.....&&& لو على نطق العجم ماستفدنــا
نبينا منا ماهو مــــن هـــــــــذولاك
......&&& وحنا اتبعنا سنته ماجحدنــــا
واليا حصل بين الخصيمين دكــداك
...... &&& الشرع قاضيا محلل عقدنــــــا
والقاضي الثاني سلاحك ويمنـــاك
....&&& الى انعوج خطو الخصيم ولهدنا

حكامنا ال سعود كان انــت مادراك
&&& .....ضد الفهود ونفتخر في فهــدنا
نرقد وباقي الناس ذكـــه وذكـــاك
.....&&& ولو السعود ملوكنا مارقـــدنا
ياللي وصلت من الفضاء لا عدمناك
....&&& يفخر بهاك الدرب حتى وغدنا
وهذي السنه زاد الفخر يوم شفناك
.....&&& عيدين من تالى ارمضان عيدنا
عـــيد من السنه علينا قضينــــــاك
.....&&& وعيد لا بن سلمان رايد بلدنا
لو قال غيرك قلت على الكذبمااجداك
...&&& مابلفضاء مسكن ولابه ولدنــا
تسكن بالارض اللى بها ربي انشاك
.......&&& وارزاقنا فيها وفيها لحدنـــا

واختامها بذكر اللــى ملك كل الاملاك
&&&... اللى على سبع الاعضاء له سجدنا
خلاقنا رزاقنا مالـــه اشـــــــــــراك
&&&....,, من العدم من غير شي وجـدنا




.


 
التعديل الأخير تم بواسطة راكانے الجبيلے ; 01-19-2010 الساعة 03:35 AM

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 03:05 AM   #7

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .





شدت نوال ..




شدت نوال وناحـرت مطلـع سهيـل
.........................المزنـه الغـرى تقـافـا مطـرهـا
يزمي جبـال ويتقـي بـارق الليـل
......................مـن دون ديرتهـا وغبـة بحـرهـا
طلع لها النادر من اقصـى الغراميـل
..................مادري عيون الناس جابـت خبرهـا
النـادره مـن لابسـات الخلاخـيـل
......................الاولـه مـن حيـن جـاء مختبرهـا
تحمـل نهـودِ كنـهـن الفناجـيـل
........................لاواهنـي اللـي بكـبـده كسـرهـا
والشيب لولا الشيب نـور الرياجيـل
....................قلت آه من شيـبِ سبوحـي قصرهـا
يوم انها من جيل وهلال مـن جيـل
........................عيـت حصاتـي لاتخالـط حجرهـا
لو الصور تبـري الكبـود المغاليـل
.....................قلت اجدعولي وحّـده مـن صورهـا
ادلـه بهـا لوماوراهـا محاصـيـل
.......................وليا سمحـت اردهـا فـي كمرهـا
الـورد يطلـع ورد ريحـه وتجميـل
...........................والحنظلـه مـره ومــرِ زهـرهـا
جيبو زهابـي كـان شالـو مراحيـل
...........................جيبـو اللـي تـو ركـب كفـرهـا
انا دليلـه واعـرف المتـر والميـل
..................واعرف رقاق الارض واعرف عسرها
اكفـي الخويـا واجيـب المعامـيـل
.........................واسـوي الطبخـه بعـد واحكـرهـا
وادلـه الخويـا بــزن التعالـيـل
..........................وقـرا واغنـي والـدروب اخبرهـا
واليـا تمالحنـا مـن الـزاد والهيـل
.........................باقي السوالف خلهـا فـي صررهـا
ملحة خوي ماهـي بملحـة مهابيـل
...........................عينـه معلهـا لغـضـة بصـرهـا
ومـن المواقـف فرقتنـا الترابـيـل
...........................كـلِ يبالـه ديـرتـن وانتحـرهـا
حنـا نبـا نرجـع لاهلنـا مقابـيـل
.......................وهيـه تـروح الله يطـوي سفرهـا
هـاذا واسلـم خاتـم القـول والقيـل
...........................لوتهجـرنـي حـالـفِ ماهجـرهـا




.






 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 03:29 AM   #8

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .





هلال بن بركه والحديث عن الامس واليوم..اترككم مع المتعه




يهتـاض باللـي بالمثايـل وغنيـت
.......وذكرت لي شين تقافـت اعصـوره
شين قعد عنـي وانـا عنـه قفيـت
........والوقت يمضي كـل شيـن بـدوره
البارحه يـم اهـل السـوق طبيـت
.........ابغى اشتري دله وحصلـت صـوره
حسبتها الرسـلان قالولـي اخطيـت
.........غرك من العشب المولـي زهـوره
نويـت ابشربهـا بعـد ماتعنـيـت
..........قالـو تراهـا ماتوالـي الـحـروره
قلت اقمحي مانتي علـى ماتوريـت
..........اثـرك لوجنبـك جمـال معثـوره
اخـذت مـن مثلـك ليـا ماتكفيـت
.........ويسدني ماخـذت مابغـى تجـوره
حنا منـوّل فالخـلا نبنـي البيـت
..........واليـوم فـي دارِ تلامـع قصـوره
نـاسِ سوالفهـا عمـار وقرانيـت
........وباقي السوالف فالصدور مهجـوره
إن جيت اباخذ من ورى الباب رديت
............منـا ومـنـا حاسبـيـنِ مـتـوره
وان حاكموني قالـو انتـه تعديـت
.........والصك يشهـد والحـدود مخبـوره
وان قلت ليّه قالو انته متـى جيـت
.........وراح البلـد كلـه تزامـر نمـوره
الله علـى دارِ بهـا العـام ظليـت
............نزالـهـا مـاقـط ردت نـشـوره
إن ضاق صدري جبت زملي وشديت
.........وضربت لي جوِ تصافـر اطيـوره
ان كان ابا المسناد وان كان ضحيت
............مالـي بـلادِ بيـنـه ومحـكـوره
وان مابغيـت انـزل هنيـا تعديـت
.........امشي علـى كيفـي بليـا مشـوره
ان مابغيـت اشـد للرجـم عديـت
........قبل خشاش الليـل يدخـل جحـوره
بمسلـبِ ترمـي علـى ماته
.....قويـتومشوكِ كن الذهـب فـي سطـوره
والطيـر لوهـو بالتمنـي تمنيـت
..........مع طلعتـه يازيـن هـدت سيـوره
نجدِ وسيعه تاخـذ الحـي والميـت
............مفتحيـن ابوابهـا اخـوان نــوره
حده بحر جـده ليـا منتـج الزيـت

........واللي وراها زود ماعـرف بحـوره
جابو زكاته غصب واهله مصاميـت
.....من مركز الاردن لياقصى شـروره
ابن السعود امطوعيـن الطواغيـت
.......من ماكرِ ماجاء التبع فـي صقـوره
من ماكرِ نادر هل العـز والصيـت
...........مافيـه تبـع ولافـروخ محـقـوره
هدوك يانجد الصعـب ليـن حنيـت
..........عقب الهدير اللـي تـروع زفـوره
واطعتهم من حيث ماصغوبك اصغيت
...........اطوع مـن الوالـد لتالـي بـزوره
السيـف هدوبـه ارقـات النعاتيـت
..........والمال هدوبـه عـلاوي صخـوره
اليوم لين بـس خـذ منـه ماشيـت
..........مابـه مغيـر ولامسبـر سـبـوره
هاذا تراث اجدادهم كانـك اوحيـت
.........داسوه يـوم انـه تقابـس شـروره
مرحوم ياعودِ علـى نجـد عييـت
.........واحييت فيـه الديـن بعـد دبـوره
مفارسـه يصبـح بهـا الادم يبيـت
.......والذيب يشرب منه ويكـب سـوره

ولولا كـذا ماكـان فوقـه تعليت
.....واخـذت بزمامـه وركبـت كـوره
هاذا كلامي واسمحـو كـان زليـت
.........وكلِ علـى ربـه تساهيـل امـوره
والقاف مايزري وانا عود وازريـت
........اتابعـه وازريـت احـدد نـشـوره



.



 
التعديل الأخير تم بواسطة راكانے الجبيلے ; 01-19-2010 الساعة 03:33 AM

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 03:41 AM   #9

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .




هذ رد على قصيدة الشاعر فرح بن هذال العضيله وسوف اورد لكم قصيدة فرح فيما بعد في حال توفرها...





هيظ علي اللي بدا القاف واختـــار
................. واختار من زين اللحون كلماتي
وقام يتفكر في زمانه وما صــــار
..................وأطــــرت عليه علومه الاولاتي
الوقت ماش احداً يرده إليــــــا دار
.................وما قدر المولى على العبد ياتي
عبر سبيل وكـب عنك التــــــــذكار
..................نصيحة المسلم مـــن الواجباتي
لأوحيت آذان الصبح والناس غـتار
..................وأخذت للمسجد قليل خطواتي
تســـــــــــــواك يادنيا دنانير وأنهار
.................ما أنتي بمامونه ولاأنتي ثقاتي
ولاانتي بعيد اقرب من الكوع للزار
..................ولاترحميـــــن ولاتسدك مياتي
أسرع من الرماي لإطلاقــــــة النار
...................أما فرج وإلا انطباقت رحاتي
وانته تبا المحماس والنجر وإشعار
..................وأنا يكفني حــــــدادة الخواتي
على أحضر عندهن بـــــــن وبهار
...............وهنـــــــــه يكفني جميع السواتي
وين المحل اللي نسوي بـــــه وجار
...............وين الحطب حتى تقولـــون هاتي
وراك جيرانك وقدامــــــــــــك القار
,..............محدود بيتك مــن جميع الجهاتي
ماهي فياض ٍ ماتقطـــــــــع بالأمتار
..............وصكوكها درب المطر والنبــاتي
وأوراقها وأقلامها روس الأزهـــار
............وأمان مــــــن فضل الولي والولاتي
وهذا بعد وقت مقابيس الاأشـــــــرار
.........../والفقر فيه أكثر من أهــــل الغناتي
حلاوته ما عادلت ربـــــــــع الأمرار
............يسلب وينهب والعــــرب ما تباتي
في كل يوم ادعوا لنا عشــــرة أعشار
...........عساه ما يقبل مـــــــــــع المقبلاتي
آمين قولوا يا موديـــــــــــــن الأخبار
...........وإلااسمحولـــــــــي زلتي وجهلاتي
وأخذ من اللي قلت فكـــــرات وأنذار
...........وأفطن لنفسك قبل وقـــــت المماتي
ترى حلات العمر ما غيـــــر مشوار
............وإليا انتهى المشوار فـــات الفواتي
إليا وصل ستين مافيهـــــــــــن إنكار
..............وصلك حـــــدا الغياب ما به رواتي
إما وصلك الموت قصاف الأعمار
............وإلا الكبر معاد فيــــــــــــــــه التفاتي
صفا حقوقه وانتهت عنـــه الأخبار
.............حتى القلم معـــــــــــــــاد يكتب دواتي
والسوق جاء له من هل الوقت تجار
..............جابوا مفاتيح البلــــــــــــــد والفلاتي
جابوا صحايف بيض ما فيهن إسطار
.................مطرفين إيمانهـــــــــــــــم للهواتي
لو يسبرون المقبرة شافوا إفكـــــــار
.................ولو ينشدون عن السلف وين شاتي
غدت بهم ســـــــــود الليالي والاقدار
................وأنا على الداعي مطـــــرف عباتي
يالله يالمعبود عــــــــــــــــلام الاسرار
..............ياعالم المخفـــــــــــــــــاة والبيناتي
اغفر ذنوبي يالولي رب الأبشـــــــــار
..............ماهمني الدنيا ولا ابغــــــــى بناتي
وصلاة ربي عــــــــــــد من حج واتار
............أو عـــــــد ما يرمون سبع حصواتي
على نبي ثاني أثنيــــــــــــــــــن فالغار
.............اللي لنـــــــــا وضح دروب النجاتي
وأقولها من خاطري ســـــــــــر وجهار
.............وأزيدها أستغفار مـــــــــــدة حياتي


 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-19-2010, 03:44 AM   #10

اداري متميز سابق



الصورة الرمزية راكانے الجبيلے
غير متواجد حالياً

بيانات اضافيه [ + ]
 رقم العضوية : 1985
 تاريخ التسجيل :  May 2009
 أخر زيارة : 09-13-2012 (06:16 PM)
 المشاركات : 5,554 [ + ]
 التقييم :  10
لوني المفضل : #4E050F
افتراضي رد: مسيرة هلال بركه الشعريه .




قصيدة مرسلة من شاعرنا الى الشاعر عطيه سفر الموسمي المطيري
بالتلفون أصل سلامي عطيــه






...............إن كان يوجد في محلـــه جهازي
ماهو خفي ولا بـــلاده خفيــــه
...............حد السهل من دون هاك النوازي
متوسطٍ من ديــــرة العبدليـــــه
................قبلة مصلي الشام حــد الحجازي
نعم الفتى راعي العلوم الطريه
................من لابتاً يـــــوم اللقاء ما تهازي
قله يقول هـــــلال في هالقضيه
.................والله ما أعبر ما مضالي وحازي
نظماء ونشرب بين صبح وعشيه
.............وفي كلي يوم له عن امس امتيازي
والعلم يكفي صامله لـــــو بليه
.............وأن طـــــــال مايسلم من الاهتزازي
وأجلس مع أهل الدين وأهل الحميه
..................ويطمنوني كان حبــــــي نقازي
وأجلس مع الجاهل وآخذ له تحيه
....................وأهرجه لو ماطرازه طرازي
ولاهو بمكتوبٍ معي في الهويــــه
..............ولاهو جرب يعدي واحوزه حيازي
والطيب ماهو ينوخذ بالايــــــديه
..............ولاهو يباع وينشرى بالبيـــــــازي
إذا مضى عشرين يوماً وميــــه
.............فالبطن قبل إنــــــه يشوف الجرازي
يكتب عليه اللي قسم لــــــه وليه
.............إما شقـــى وإلا سعيــــــــــداً وفازي
والفوز فوز الآخرة يـــــاعطيه
............ما هو بكثر المــــــــال وإلا الجوازي
ولاهو بطول القــاف والتمثيليه
.............لاجاب خير ولاصـــــدم عنك غازي


....
..



 
 توقيع : راكانے الجبيلے

نقره لعرض الصورة في صفحة مستقلة

التعديل الأخير تم بواسطة راكانے الجبيلے ; 01-19-2010 الساعة 03:52 AM

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة للشاعر : فيحان هلال عابد العضيله طارق العقص منتدى الشعر المنقول لشعراء العضيلات 13 05-11-2011 07:07 PM
قصيدة هلال ابن بركه الجبيل في حفلة العقصان ابو اسامه العقص منتدى الشعر المنقول لشعراء العضيلات 8 10-22-2009 03:09 PM
الشاعر الكبير هلال بن بركه الجبيل في في سطور يوسف بن غالب العضيله منتدى الشعر المنقول لشعراء العضيلات 32 10-11-2009 06:51 AM
هلال بن بركه الجبيل العضيله(شدت نوال) يوسف بن غالب العضيله منتدى الشعر المنقول لشعراء العضيلات 15 10-11-2009 06:23 AM
قصيدة لشاعر المرحوم/ هلال بن بركه الجبيل (شدت نوال) الجبيل منتــدى الشعر الشعـبي المنـقول 5 01-14-2008 02:48 PM

Facebook Comments by: ABDU_GO - شركة الإبداع الرقمية

الساعة الآن 08:49 PM.



Powered by vBulletin
Copyright ©2000 - 2019, Jelsoft Enterprises Ltd

HêĽм √ 3.1 BY: ! ωαнαм ! © 2010

... جميع الحقوق محفوظه لمنتديات قبيلة العضيــلات من مطير ...

.. جميع المواضيع و الردود تعبر عن رأي صاحبها ولا تعبر عن رأي ادارة منتديات العضيلات ..

a.d - i.s.s.w


Content Relevant URLs by vBSEO 3.5.2