الرئيسية التسجيل البحث لوحة التحكم تسجيل الخروج من المنتدي
 
السلام عليكم (اخر مشاركة : زيـاد العضيله - عددالردود : 0 - عددالزوار : 128 )           »          ابو زياد الصواي خويكم القديم (اخر مشاركة : ابو زياد الصواي - عددالردود : 0 - عددالزوار : 112 )           »          سجل حضورك هُنا (اخر مشاركة : ابو ذيـب الصـوآي - عددالردود : 3498 - عددالزوار : 117274 )           »          قصيدة وطنا🇸🇦 (اخر مشاركة : ابن سحمان - عددالردود : 1 - عددالزوار : 456 )           »          يامل قلبٍ تله❤ (اخر مشاركة : راضي بن ذويبان العضيله - عددالردود : 0 - عددالزوار : 392 )           »          فينا الولاء للموطن اللي كل خيراً يحتويته (اخر مشاركة : راضي بن ذويبان العضيله - عددالردود : 0 - عددالزوار : 375 )           »          مهديااااات أدول (اخر مشاركة : راضي بن ذويبان العضيله - عددالردود : 0 - عددالزوار : 347 )           »          مطير اللي على شبه الجزيره تحمي العاني (اخر مشاركة : راضي بن ذويبان العضيله - عددالردود : 2 - عددالزوار : 415 )           »          مواقع بكل اللغات يسرد سيره الرسول صلى الله عليه وسلم ، ويوضح الاسلام (اخر مشاركة : abouali - عددالردود : 26 - عددالزوار : 3360 )           »          تغطية حفل الاستاذ / ذعار ابن عويض ابن غميض العضيله بضيافة قبيلة السوده من سبيع (اخر مشاركة : التغطيات الإعلامية - عددالردود : 0 - عددالزوار : 1600 )           »         
 
ترحب شبكة منتديات العضيلات الرسميّة بزوارها والمنتسبين إليها من القبيلة وخارجها ادراة الشبكة


الإهداءات

العودة   شبكة منتديات العضيلات الرسمية > الاقسام الادبـيــــة > منتــدى الشعر الشعـبي المنـقول

إضغط هنا لإخفاء أو إظهار متطلبات التسجيل السريعالتسجيل السريع إلى المنتدى
التسجيل في شبكة العضيلات الرسمية مجاني ومتاح للجميع ، تستطيع التسجيل إلى الشبكة من خلال هذا النموذج المختصر ...
إسم المستخدم :
كلمة المرور :
تأكيد كلمة المرور :
البريد الإلكتروني :
تأكيد البريد الإلكتروني :
تاريخ الميلاد :    
 
 موافق وأتعهد بالإلتزام على ماقرأت في شروط المنتدى

ارجيك والجا لك وانـا سالـك واعيـد المسألـه

منتــدى الشعر الشعـبي المنـقول

إضافة رد
 
LinkBack أدوات الموضوع انواع عرض الموضوع
قديم 06-07-2011, 01:01 PM   #1

رئيس الاقسام الأدبية



الصورة الرمزية ابو حمود العضيله
غير متواجد حالياً

بيانات اضافيه [ + ]
 رقم العضوية : 2849
 تاريخ التسجيل :  Aug 2009
 أخر زيارة : 07-15-2013 (01:25 PM)
 المشاركات : 2,477 [ + ]
 التقييم :  10
لوني المفضل : #4E050F
افتراضي ارجيك والجا لك وانـا سالـك واعيـد المسألـه



يالله وانا طالبك تغفـر لـي ذنوبـي يـا غفـور
ارجيك والجا لك وانـا سالـك واعيـد المسألـه

لوما تطهرنـي بعفـوك مـا تطهرنـي البحـور
جيتـك وذنبـي قـد تعـلاّ غاربـي يـا مثقلـه

أنا من الطين انخلقت , أخطـي ولانيـب معـذور
قامت علي الحجّـه بدعـوة رسلـك المرسلـه

مؤمن بتوراتـك و إنجيلـك و مؤمـن بالزبـور
و بسنّـة محمـد وآيـات الكـتـاب المنـزلـه

لكن خُدعت بزخـرف الدنيـا وزادتنـي غـرور
أبدت مفاتنهـا و ورتنـي مـن العمـر اجملـه

طبعاً بما إنـي بنـي آدم حصـل منّـي قصـور
واذنبت يـا مـولاي ذنـبٍ بالخفـا مـا تجهلـه

أسألك تغفر لي و تستر موقفـي يـوم النشـور
اليا القفت خلقـك صحايفهـا وهـي مستذهلـه

من يستلمها بالشمال افلس وهـو يدعـو ثبـور
ومن يستلمها باليميـن افلـح لخيـر المنزلـه

واسألك يا ربـي تعاونّـي علـى نيـل الأجـور
أحيا حيـاةٍ مكسبـي فيهـا مـن البـر افضلـه

واسألك جاهٍ مع هـل الدنيـا وحـظٍ مـا يبـور
أيضاً وعرفٍ مـع هـل الحكمـه ورزقٍ تكفلـه

من لا تهيّا لـه مقـامٍ مـع طويليـن الشبـور
يبكي على ما ضاع من عمره وخيبـات عملـه

وان شاب راسه لا ترجّى فيـه تجبيـر الكسـور
لا خير فـي تالـي زمـانٍ مـا تغانمـت اوّلـه

ومانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه

سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه

قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه

استغرب الشايب من اللي قلـت وبليّـا شعـور
حط اليمين اعلىالشمال وخاطـره فيـه اسئلـه

قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه

قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه

بهيمةٍ يرجـع علـى منحـاه الاوّل ومحصـور
فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور
ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه

قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وثـوبٍ تسبلـه

قلت : العـذارى فـي زمنّـا ببغـاوات الطيـور
تقليد هرج و عرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور
فضيحةٍ تكشف جسدها مـن علـوّه لـاسفلـه

وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه

وشلـون يتربّـى عيـال ام التبـرّج والسفـور
الاّ خنـازيـرٍ دمـاهـا بــارده ومغـفّـلـه

قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )
صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )

مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله

والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور
لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه

ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه


ساعد في نشر والارتقاء بنا عبر مشاركة رأيك في الفيس بوك




hv[d; ,hg[h g; ,hkJh shgJ; ,hudJ] hglsHgJi



 
 توقيع : ابو حمود العضيله

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 06-08-2011, 12:33 AM   #2

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: ارجيك والجا لك وانـا سالـك واعيـد المسألـه



الله الله

صح لسان شاعرها

وبيض الله وجهك على هذه الذائقة الجميلة يابو حمود

لاعدمناك ولاعدمنا تواجدك


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 06-08-2011, 10:56 PM   #3
عضو


الصورة الرمزية فايز العضيله
غير متواجد حالياً

بيانات اضافيه [ + ]
 رقم العضوية : 2016
 تاريخ التسجيل :  May 2009
 أخر زيارة : 06-15-2011 (05:10 PM)
 المشاركات : 96 [ + ]
 التقييم :  10
لوني المفضل : #4E050F
افتراضي رد: ارجيك والجا لك وانـا سالـك واعيـد المسألـه



صح لسان الشاعر ومشكور علئ النقل الرئع


 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 06-09-2011, 01:15 PM   #4
عضو مشارك


الصورة الرمزية خالد عبدالله
غير متواجد حالياً

بيانات اضافيه [ + ]
 رقم العضوية : 5644
 تاريخ التسجيل :  Feb 2011
 أخر زيارة : 01-24-2013 (10:36 PM)
 المشاركات : 131 [ + ]
 التقييم :  10
 SMS ~
أستغفرالله أستغفر الله أستغفر الله





لوني المفضل : #4E050F
افتراضي رد: ارجيك والجا لك وانـا سالـك واعيـد المسألـه



صح لسان الشاعر ومشكور على النقل يابو حمود


 
 توقيع : خالد عبدالله



Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 06-09-2011, 03:44 PM   #5

رئيس الاقسام الأدبية



الصورة الرمزية ابو حمود العضيله
غير متواجد حالياً

بيانات اضافيه [ + ]
 رقم العضوية : 2849
 تاريخ التسجيل :  Aug 2009
 أخر زيارة : 07-15-2013 (01:25 PM)
 المشاركات : 2,477 [ + ]
 التقييم :  10
لوني المفضل : #4E050F
افتراضي رد: ارجيك والجا لك وانـا سالـك واعيـد المسألـه



صح بدنك ابو مسلط
ولاعليك زود اشكر لك مرورك


 
 توقيع : ابو حمود العضيله

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 06-09-2011, 03:45 PM   #6

رئيس الاقسام الأدبية



الصورة الرمزية ابو حمود العضيله
غير متواجد حالياً

بيانات اضافيه [ + ]
 رقم العضوية : 2849
 تاريخ التسجيل :  Aug 2009
 أخر زيارة : 07-15-2013 (01:25 PM)
 المشاركات : 2,477 [ + ]
 التقييم :  10
لوني المفضل : #4E050F
افتراضي رد: ارجيك والجا لك وانـا سالـك واعيـد المسألـه



صح بدنك
ولاهنت ع المرور اخوي فايز


 
 توقيع : ابو حمود العضيله

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 06-09-2011, 03:46 PM   #7

رئيس الاقسام الأدبية



الصورة الرمزية ابو حمود العضيله
غير متواجد حالياً

بيانات اضافيه [ + ]
 رقم العضوية : 2849
 تاريخ التسجيل :  Aug 2009
 أخر زيارة : 07-15-2013 (01:25 PM)
 المشاركات : 2,477 [ + ]
 التقييم :  10
لوني المفضل : #4E050F
افتراضي رد: ارجيك والجا لك وانـا سالـك واعيـد المسألـه



صح بدنك اخوي خالد
ولاهنت ع المرور


 
 توقيع : ابو حمود العضيله

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Facebook Comments by: ABDU_GO - شركة الإبداع الرقمية

الساعة الآن 03:54 AM.



Powered by vBulletin
Copyright ©2000 - 2019, Jelsoft Enterprises Ltd

HêĽм √ 3.1 BY: ! ωαнαм ! © 2010

... جميع الحقوق محفوظه لمنتديات قبيلة العضيــلات من مطير ...

.. جميع المواضيع و الردود تعبر عن رأي صاحبها ولا تعبر عن رأي ادارة منتديات العضيلات ..

a.d - i.s.s.w


Content Relevant URLs by vBSEO 3.5.2