شبكة منتديات العضيلات الرسمية

شبكة منتديات العضيلات الرسمية (http://alodailat.com/vb/)
-   منتدى نبض القلم ورحلة الفكر (http://alodailat.com/vb/f81/)
-   -   مطير اللي على شبه الجزيره تحمي العاني (http://alodailat.com/vb/t27645/)

راضي بن ذويبان العضيله 11-14-2018 12:30 AM

مطير اللي على شبه الجزيره تحمي العاني
 
سـلام الله سـلامٍ يلبس التقدير والاجـلال
يبا يقلط على اللي مجدهم في كل ميداني

على قحطان مقلاطه هل التاريخ والافعال
رجـالٍ سـجل التاريخ مجـد لكل قحطاني

هل المجد التليد اللي ينومس منطق الرجال
وانا شاعر واحكم منطقي ولساني حصاني

بقول الحق بافعال الرجال اللي بدون جدال
مثل نجم الجدي وسهيل تبقا طول الازماني

لياصالوا على الخيل احتموها خيرة الابطال
يعوّد خصمهم من ضربهم بالسيف شاماني

فعولٍ بالشجاعة والكرم لاهل الشرف تنقال
حقايق ثابته ماتختفي عن كل الاعياني

يازين الفعل لامنه بدأ مثل الجبال اثقال
على قحطان ما تستغربه في كل الاحياني

اقوله عن قبيله بالفخر تضرب بها الامثال
مطير اللي على شبه الجزيرة تحمي العاني

لاجاء يوم الطراد يطوعون الخيل والخيال
على نجد وركونه هيمنوا بعنان وسناني

تصادم للدول دون الوجيه وترخص الاموال
صواريمٍ بحد السـيف تخزي كل شـيطاني

وقحطان ومطير امجادهم تفخر بها الاجيال
تترجمها الفعول الثابته في كل الاكواني

وكل اهل الشرف بالطيب تاخذ وافي المكيال
قبايل وافية في كل طيـب بكل برهاني



الشاعر/
راضي بن ذويبان الصواي العضيله

راضي بن ذويبان العضيله 11-14-2018 12:36 AM

مهديااااات أدول
 
من البارحـة وانا على مهديـات ادول
صـداعٍ يصـوع الراس والليل مانمـته

سرى الليل مانمته ولا ادري من المسئول
مـغـير اتململ عيني الـنوم حـرمـته

حربني منام العين كن السهر مرسول
وكن السهر ضيف لعيوني مكرمته

وقلت أستغلك يالسهر دام قمت تصول
وليل الشقا ثلاااااثة اثلااااث قسمته

ابيها عبادة مع منام وخيار القول
لكن الهموم اثقال زامت وهاجمته

ابا ارثيك ياحلمٍ غدى فالزمن مقتول
ولاني مفسر حلمي اللي تحلمته

ابا استقبل معزيه قبله يحل الحول
مدامي من هموم الليالي تسلمته

ياوجه الزمان المقبل الغامض المجهول
عسى فيك بشرى خاطرٍ قبل حطمته

🖋راضي بن محرب بن ذويبان الصواي

راضي بن ذويبان العضيله 11-14-2018 12:40 AM

مهديااااات أدول
 
من البارحـة وانا على مهديـات ادول
صـداعٍ يصـوع الراس والليل مانمـته

سرى الليل مانمته ولا ادري من المسئول
مـغـير اتململ عيني الـنوم حـرمـته

حربني منام العين كن السهر مرسول
وكن السهر ضيف لعيوني مكرمته

وقلت أستغلك يالسهر دام قمت تصول
وليل الشقا ثلاااااثة اثلااااث قسمته

ابيها عبادة مع منام وخيار القول
لكن الهموم اثقال زامت وهاجمته

ابا ارثيك ياحلمٍ غدى فالزمن مقتول
ولاني مفسر حلمي اللي تحلمته

ابا استقبل معزيه قبله يحل الحول
مدامي من هموم الليالي تسلمته

ياوجه الزمان المقبل الغامض المجهول
عسى فيك بشرى خاطرٍ قبل حطمته

🖋راضي بن محرب بن ذويبان الصواي


الساعة الآن 03:38 AM.


Powered by vBulletin
Copyright ©2000 - 2020, Jelsoft Enterprises Ltd

HêĽм √ 3.1 BY: ! ωαнαм ! © 2010

... جميع الحقوق محفوظه لمنتديات قبيلة العضيــلات من مطير ...

.. جميع المواضيع و الردود تعبر عن رأي صاحبها ولا تعبر عن رأي ادارة منتديات العضيلات ..

a.d - i.s.s.w


Content Relevant URLs by vBSEO 3.5.2