الرئيسية التسجيل البحث لوحة التحكم تسجيل الخروج من المنتدي
 
السلام عليكم (اخر مشاركة : زيـاد العضيله - عددالردود : 0 - عددالزوار : 282 )           »          ابو زياد الصواي خويكم القديم (اخر مشاركة : ابو زياد الصواي - عددالردود : 0 - عددالزوار : 257 )           »          سجل حضورك هُنا (اخر مشاركة : ابو ذيـب الصـوآي - عددالردود : 3498 - عددالزوار : 124748 )           »          قصيدة وطنا🇸🇦 (اخر مشاركة : ابن سحمان - عددالردود : 1 - عددالزوار : 632 )           »          يامل قلبٍ تله❤ (اخر مشاركة : راضي بن ذويبان العضيله - عددالردود : 0 - عددالزوار : 562 )           »          فينا الولاء للموطن اللي كل خيراً يحتويته (اخر مشاركة : راضي بن ذويبان العضيله - عددالردود : 0 - عددالزوار : 535 )           »          مهديااااات أدول (اخر مشاركة : راضي بن ذويبان العضيله - عددالردود : 0 - عددالزوار : 523 )           »          مطير اللي على شبه الجزيره تحمي العاني (اخر مشاركة : راضي بن ذويبان العضيله - عددالردود : 2 - عددالزوار : 593 )           »          مواقع بكل اللغات يسرد سيره الرسول صلى الله عليه وسلم ، ويوضح الاسلام (اخر مشاركة : abouali - عددالردود : 26 - عددالزوار : 3536 )           »          تغطية حفل الاستاذ / ذعار ابن عويض ابن غميض العضيله بضيافة قبيلة السوده من سبيع (اخر مشاركة : التغطيات الإعلامية - عددالردود : 0 - عددالزوار : 1763 )           »         
 
ترحب شبكة منتديات العضيلات الرسميّة بزوارها والمنتسبين إليها من القبيلة وخارجها ادراة الشبكة


الإهداءات

العودة   شبكة منتديات العضيلات الرسمية > الاقسام الادبـيــــة > منتـدى القصص والـروايات

إضغط هنا لإخفاء أو إظهار متطلبات التسجيل السريعالتسجيل السريع إلى المنتدى
التسجيل في شبكة العضيلات الرسمية مجاني ومتاح للجميع ، تستطيع التسجيل إلى الشبكة من خلال هذا النموذج المختصر ...
إسم المستخدم :
كلمة المرور :
تأكيد كلمة المرور :
البريد الإلكتروني :
تأكيد البريد الإلكتروني :
تاريخ الميلاد :    
 
 موافق وأتعهد بالإلتزام على ماقرأت في شروط المنتدى

قلوب تحتضر قصة روعة لا تفوتكم اللي ما يقراها ما عنده سالفة

منتـدى القصص والـروايات

إضافة رد
 
LinkBack أدوات الموضوع انواع عرض الموضوع
قديم 07-14-2008, 03:11 PM   #1
عضو نشيط


الصورة الرمزية ولد الجبيل
غير متواجد حالياً

بيانات اضافيه [ + ]
 رقم العضوية : 407
 تاريخ التسجيل :  Apr 2008
 أخر زيارة : 05-11-2009 (07:57 PM)
 المشاركات : 227 [ + ]
 التقييم :  10
لوني المفضل : #4E050F
افتراضي قلوب تحتضر قصة روعة لا تفوتكم اللي ما يقراها ما عنده سالفة



الحلقة الاولى

قصة جميلة رأيتها في احدى المنتديات الرائعة
التي اقرأ لكتابها

فجميع الروايات اقرأها في ذلك المنتدى الحبيب وانقلها لكم
لكي تقرأوا لهؤلاء النخبة من الكتاب الكبار العمالقة في فن
كتابة الروايات القصة القصير

وسلموا لنا على كتابتها
* * *

أبوي حطمني !! آسفة اني أبدأ قصتي وياكم بكل هذا التشاؤم ؛ بس أبوي حطمني فعلا

يوم رفض البعثة اللي حصلت عليها عشان أكمل تعليمي في لندن وأصير دكتورة..

تصدقون ؟!!!!

تحطمت كليا يوم رفض بكل حسم وعناد وقال لي الكلام اللي تتوقعونه كلكم وهو ان

البنية العربية المسلمة _ واللي مو متزوجة مثل حالاتي_ ما يصير تسافر بروحها

حتى لو بتصير رئيسة دولة !! طبعا أني ما أمبي أصير رئيسة دولة؛ لأن هوايتي

أخفف آلام الناس مو أزيدها... المهم ؛ أني حزينة ألحين ومحبطة الى أقصى درجة؛

طول عمري كنت طالبة شاطرة ومجتهدة وما كان همي الا دراستي وبس.. تحملت

مسؤولية ها الأبو العنيد من يوم اتوفت أمي رحمها الله ورفض أبوي يتزوج بعدها

لأن كان يحبها واجد ؛ ويخاف يجيب لي مرت أبو تغربلني.. وبعد ما ماتت وجه كل

حبه الي ؛ وشوي شوي صار يخاف علي خوف كبير ومبالغ فيه (بوجهة نظري )....

اوووه.. هاذي رنة موبايلي ؛ عن اذنكم اشوي...

_ ألو .. من ؟

_ هاذي أني يا القاطعة متصلة من الشغل ! وينش ما تسألين حتى برنة ؟؟

_ هلا سوسن ! آسفة ها الأيام كلش مالي خلق أكلم أحد..

_ خير ؟ ويش صاير ؟!

_ ويش صاير بعد ؟! مثل ما اتوقعت.. أبوي رافض أسافر..

_ أني قلت لش انسي فكرة السفر لأني أعرف أبوش عدل لكن ما تطاوعين !

_ ويش ؟؟ عبالش أني مجنونة ؟! مستحيل أفوّت ها الفرصة علي.. أني لازم أصير

دكتورة.. لازم..

_ يعني ويش بتسوين ؟؟

_ (بحيرة) ما أدري ؛ الله كريم..

_ اسمعي ليش ما تمرين علي البيت بكرة عشان انكمل كلامنا ؟ بكرة اجازتي ؟

_ نعم نعم ! لا لا ! أكيد بلاقي يوسفو أخوش هناك وأني مالي خلقا ها المغرور..

مري انتين !

_ لسانش يمبى ليه قص ! انزين بمر عليش ؛ يلا مع السلامة..

_ مع السلامة

ها.. هذاني سكرت الخط ورجعت ليكم.. طبعا انتون متشوقين ألحين عشان تعرفون

منهي سوسن هاذي وويش قصة أخوها يوسفو المغرور ؛ وعشان جدي ما ببخل

عليكم بالتوضيح.. سوسن هاذي جارتنا وأعز صديقة عندي من يوم كنا صغار ؛ ولكن

هي خيوب وما تحب الدراسة ؛ وعشان جدي طلعت من المدرسة وتوظفت بالوزارة

بفضل واسطة أبوها.. أما يوسفو _ واللي ما أشبع من وصفه بالمغرور_ هو أخوها

اللي كان يضربنا ويتشاكس معانا واحنا صغار ؛ وليوم كبرنا صرت ما أطيقه ؛

خصوصا يوم قام ينافسني بالشطارة والعلامات ؛ لأنه طلع صبيّ شاطر واجد ؛ ولكنه

مغرور ومتكبر وو.. ما بكمل ترى ما بشبع من الشتايم فيه.. المهم ؛ خلنا نرجع

لموضوعنا... مثل ما سمعتون ؛ أني ما راح أتنازل أبدا عن تحقيق حلمي ؛ وبحاول

ويا أبوي مرة ثانية وثالثة وعاشرة لين ما يوافق ويلين راسه اليابس ! يعني لازم

أتزوج عشان أسافر وأكمل تعليمي ؟؟ أني من مشتهاتي للزواج والصبيان ؟؟؟

كفاية الوحدة تشوف تصرفات يوسفو المغرور حتى تنجف عن الزواج مولية !!!

في اليوم الثاني كنت قاعدة أتغدى ويا أيوي الظهر يوم قال لي بلهجته الحنونة اللي

متعودة عليها...

_ منايو حبيبتي لا تزعلين مني.. أنا أبوش وخايف عليش ؛ وانتين تعرفين ان المجتمع

الغربي غير مجتمعنا

_ بس أني ما بقعد بروحي ؛ وياي بنات ! ...

_ (قاطعني) البنات مو كفاية.. أنا مستحيل أطمن تعيشين هناك خمس سنوات ويا بنات

ما أعرفهم !

_ بس أني أمبي أكمل تعليمي وأصير دكتورة ؛ أرجوك أبوي لا تحرمني من ها الشي..

أني ما صدقت جتني بعثة !

_ منايو خلاص لا تعصبيني ! فهمي ويش قاعد أقولش ! انتين ترى ما بتفهمين الا

لين عرستين وجبتين ولاد ! يلا بلا هدرة عطيتش وجه واجد ! ادرسي تمريض..

هذا آخر كلام عندي !!

( شفتون ؟؟ هذا مو أبو يقهر ؟؟ أقول ليه أمبي أصير دكتورة يقول ادرسي تمريض !!)

.............................

أبوي طلع ألحين ويا ربعه وأني قاعدة أغسل المواعين وأنظف البيت كالعادة.. ماني

قادرة أتمالك نفسي من القهر اللي ماخذني من كلامه على الغدا.. من عصبيتي

كسرت ثلاثة كاسات وصحنين ترى لا تستغربون !! أني وحدة عصبية

ومدلعة وعودني أيوي يعطيني كلشي أمباه.. الا ها الشي وقف في زوره ومو قادر

يهضمه للحين.. ظهري انكسر من شغل البيت ! من أول ما خلصت المواعين والتنظيف

بديت أغسل الثياب اللي جننوني وما خلصت منهم الا باليل ! ومن أول ما خلصت نشر

آخر قطعة فوق سطح بيتنا ؛ نزلت على الدرج الا بدخلة أبوي من الباب الرئيسي

والابتسامة شاقة حلقه...

_ منايو خلف أبوها سوي الجاي حق الرجال بالمجلس من بعد ما تصلين

_ انزين

ودخلت حجرتي بسرعة تمسحت وصليت المغرب والعشا وسيدة على المطبخ أسوي

الجاي وأحطه في المجلس بره وأرجع داخل البيت.. هاذي قصتي يوميا ولكنها طبعا

بتنتهي لما أسافر طبعا !! عبالكم نسيت الموضوع؟؟ لا.. ترى راسي

يابس وعنيدة وما أتنازل عن حقي.. بكرة بروح لخالي وبقنعه يكلم أبوي لعل وعسى

يوافق ويفكني من دوخة الراس ! خب ما يحتاج تعرفون بعد ويش سويت ! تعشيت

ونمت لأني تعبانة واااااااااااااااااااااااجد ....

................................

يوم ثاني الصبح مرت علي سوسن صديقتي ؛ وأول ما هاوشتني على الكلام اللي

قلته عن أخوها بالتلفون...

_ منايو انتين ما بتجوزين عن أخوي المسكين ؟؟

_ اوهوووووووووووو بدينا !!

_ أي ! من قالش بسمح لش تقولين عنا مغرور ؟ أصلا يوسف أكثر واحد متواضع و..

_ (قاطعتها) السبال في...

وما كملت المثل لما طبت علي تخنقني بمزحة

_ بتجوزين لو لا ؟؟

_ (وأني مو قادرة أتنفس ) بجوز.. بجوز !!

هدت رقبتي وقعدت تضحك

_ اي جدي صيري عاقلة عشان أعرسا عليش.. ترى الشقة استوت ها !!

_ ( وأني منقهرة حدي ) أني اللي قاهرني أبوش.. واجد عاطنه وجه ؛ ومسوي ليه

شقة فوق بيتكم بعد !

_ وانتين ويش حارنش ؟؟ أبو ويساعد ولده !

_ وهو ليش ما يعتمد على نفسه ؟ بس فالح يقرا في ها الكتب ويسوي روحه مثقف ؟؟

_ (وهي تضحك بقوة ) هاذا اللي حارنش وباط جبدش.. انه شاطر وجايب نسبة أعلى

منش !

_ (لويت بوزي بدلع ) كفاية اني عطوني بعثة وما عطوه !

_ (طالعتني بنظرة غريبة) جيف أني ما قلت لش ؟؟ يوسف بعد عطوه بعثة ؛ بس

أبوي ما وافق !

_ (جمدتني المفاجأة وقلت بعد فترة) صدق ؟؟؟ غريبة .. عادة البنت اهي اللي ضايعة

بالطوشة !!

_ (بحزن) يقول أبوي يخاف يسافر ويحب وحدة شقرا ويتزوجها ويحطنا قدام الأمر

الواقع !

ضحكت بقوة وكأني سمعت نكتة عظيمة

_ ههههههههههههه والله يسويها أبو يعقوب ههههههههههههههه

_ (ضربتني على راسي) بروحش لا روحش ! والله أخوي عاقل وما يسوي جدي !!


وقضينا الوقت في السوالف لين جا الليل وراحت بيتهم عشان تصلي المغرب وتقعد

شوي ويا بيتهم قبل لا تنام.. أما أني ظليت أفكر وأفكر وأفكر.. وقاطع أبوي تفكيري

وهو يدخل علي الحجرة ويضحك

_ ومطرشة خالها بعد ؛ عبالها كلش بيقنعني !!

وطلع وخلاني أعض أصابعي من القهر ؛ وأتخذ قراري النهائي اللي ما برجع عنه...

...............................

قعدت الصبح من وقت ؛ تريقت ويا أبوي كالعادة قبل لا يروح الشغل ؛ وأول ما طلع

من الباب الرئيسي لبست دفتي وحجابي وسيدة على بيت أبو يوسف.. يعني بيت

سوسن رفيقتي اللي كنت متأكدة انها ديك الحزة في الشغل.. كنت أقرا آيات وأدعية

عشان يطلع لي يوسفو مو أحد ثاني ؛ وتحققت أمنيتي ؛ ولكن كان شكله لابس

وكاشخ مادري وين بروح... على فكرة أني ما وصفت ليكم يوسفو المغرور.. هو

رجال وسيم وطويل وأسمر وعيونه عسلي ؛ ولكنه مغرور ومتكبر و... وما بعيد

الاسطوانة عشان لايعوركم راسكم من هدرتي هههههههههه

(يوسفو متفاجىْ اني طابة عليهم ها الحزة )

_ هلا منى.. سوسن في الشغل..

(ظريف )

_ أدري .. أني جاية أتكلم وياك أنته !

_( فتح عيونه على الآخر) وياي أنا ؟؟؟ انزين دخلي !!

وأشر لي أدخل بس كنت مترددة وخايفة أحد يجوفني وياه ؛ وبنفس الوقت ما أمبي

أقعد وياه بروحنا ؛ وقال لي وكأنه يقرا أفكاري...

_ ما في أحد الا أم الخضر والليف ( يقصد خدامتهم) دخلي نتكلم في الصالة

دخلت ورجولي ترتجف من شدة الخوف والتوتر ؛ وقعد على كرسي بالصالة ؛ ويوسفو

راح يقول للخدامة تسوي عصير.. (ما عليكم حركات فشار مو أكثر !) وجا يوسفو

بعدين وقعد قبالي ولكن بعيد ؛ وانتظرني أتكلم ؛ ولكن ليوم جافني مصرة على

السكوت والخجل راكبني من قمة راسي لرجولي قال لي بنبرة تشجيعية

_ منى قولي اللي عندش.. احنا جيران وأهل وأي شي تمبينا أنا حاظر !

_ تتزوجني ؟؟

_( دوخته المفاجأة معذور) ويش ؟؟ كأني سمعت غلط !!

تشجعت وشرحت الموضوع

_ عرفت من سوسن ان جتك بعثة وأبوك رافض تسافر ؟

_ ( تنهد بقوة ) اي.. حاولت وياه وما في فايدة.. وسطت رجال العائلة كلهم ومو

راضي يقتنع اني رجال وقد المسؤولية ؛ ومستحيل أتزوج من ورا أهلي.. أصلا

أنا ما أفكر الا بدراستي ألحين..

تشجعت لكلامه وأفكاره اللي تطابق مع أفكاري لأول مرة ؛ وقلت أشرح وضعي

_ وأني بعد نفس الشي.. أمس وسطت خالي وبعد ما في فايدة.. من جدي أقول لك

خلنا نتزوج .. طبعا ما أقصد زواج حقيقي.. بس قدام أهلي وأهلك عشان نسافر

ونكمل دراستنا ؛ وبعدين رجعتنا كل واحد يشوف مستقبله ويختار شريك حياته ..

فكر في الموضوع ورد علي بأسرع وقت !

وقف يوسفو فجأة والابتسامة شاقة حلقه

_ ما يحتاج أفكر ؛ أنا موافق طبعا !

ووقفت أني بعد من زود الفرحة اللي أخذتني.. لاتستغربون !!

أني عشان أصير دكتورة أتحالف حتى مع الشيطان ؛ مو بس مع يوسفو المغرور !!

شكرته واتفقت وياه على التفاصيل وكأني مسوية صفقة ؛ وطلعت من بيتهم والدنيا

مو سايعتني ... حسيت براحة وسعادة ما تنوصف ؛ وبحيوية ونشاط فرغته كله

في شغل البيت ؛ وبعدها قررت أفك الاعتكاف اللي مسويتنه ورحت أزور الأهل وأقعد

وياهم شوي ( ولا كأني توني رايحة خاطبة واحد )هههههههههههه

......................................

سمعت رنة تلفوني ورحت أركض من المطبخ للحجرة.. لقيت رقم غريب.. ترددت..

ولكن ما أدري ليش رديت وعندي احساس انه أحد أعرفه....

_ ألو من ؟؟

_ السلام عليكم !

(بلعت ريقي ليوم سمعت صوت رجال)

_ وعليكم السلام ؛ من ؟؟

_ منى أنا يوسف.. بقت رقمش من تلفون سوسنو..

(هههههههههه تحول من مغرور لبايق )

_ أهلا يوس.. (توني يقول يوسفو وعيت لروحي ) يوسف.. طمني ؟

_ كل شي تمام ! البارحة كلمتهم ووافقو كلهم ؛ وبكرة راح انجي نخطبش ؛ اتفقي

مع الوالد على الساعة 4 زين ؟

_ اي زين.. أبوي العصر في البيت

_ سوسنو تحن علي تمبى تعرف الموضوع.. أعلمها ؟؟

_ لا ! خلها أني بفهمها كل شي لين جيتون

_ أحسن ؛ ما في شدة على لسانها ! .. على فكرة ؛ بعد ما راح تتم الأمور على خير

ان شاء الله راح نستأجر شقة هناك حق ناخذ راحتنا بدل سكن الطلاب.. أبوي راح

يتكفل بكل شي.. موافقة ؟!

(اوهوووووووو بصير وياه بروحنا ! وهادا أبوه ما يجوز عن ترمي البيزات على

يوسفو ؟؟؟ ولكن أحسن عشان أذاكر عدل !!)

_ منى وين رحتين ؟؟

_ ها ؟! اي.. اي موافقة !

_ انزين عجل .. يلا مع السلامة

_ الله يسلمك

ودرت حوالين نفسي بعد ما سكرت وياه وكأني وحدة مجنونة ؛ ورحت بعدين أخبر

أبوي اللي كان قاعد يقرا الجريدة في الصالة

_ (بخجل مصطنع) أبوي بكرة بجونا ناس..

_ ناس ؟ وها الناس ما ليهم اسم ؟!

_ جيرانا بيت أبو يوسف

_ههههههههه وهاديلا ناس ؟؟ غرب يعني ؟؟ بجون كلهم ؟

_ اي

_ غريبة ويش صاير ؟! عادة أبو يوسف يجيني المجلس وسوسنو كل شوي تطب

عليش !!

_ بجون يخطبوني !

رفع عيونه من على الجريدة باستغراب مو مصدق اللي قلته

_ ويش قلتين ؟؟ يخطبونش ؟؟ حق يوسف يعني ؟!

_اي..

_ هههههههههه أشوفش منزلة راسش وبتموتين من الخجل مو عوايدش ههههههه

انزين أي حزة بجون ؟

_ بكرة العصر الساعة 4

_ زين ... حياهم الله..

_ يعني موافق ؟

_ ألحين خلا يجون ويصير خير

خوفتني جملته.. ورحت عنه بدون ما أزيد كلمة وحدة عشان ما يحس اني مهتمة

بالموضوع بشكل شخصي .. المشكلة مو بس موافقته على يوسفو.. المشكلة

موافقته على سفري وياه كل هاذي المدة.. على العموم يوسفو خبرني ان أبوه

اهو اللي راح يتولى ها المسائل..........

.............................................

طبعا ما يحتاج أقول ليكم شلون قضيت الوقت وأني أحارس الساعة 4 .. لأول مرة

في حياتي أحس بكل هذا الخوف والقلق ؛ وطول الوقت كنت أقرا الآيات والأدعية

عشان الله يوفقني ويوافق أبوي على الزواج والسفر... واليوم جو جيرانا اللي

نحارسهم ؛ راح أبوي ويا يوسف وأبو يوسف المجلس برى ؛ وأني ظليت ويا أمه

وسوسن اللي تلاحقني بنظراتها الشكاكة كل شوي والثانية... استأذنت عشان أجيب

الفواكه والعصير من المطبخ ؛ وانتهزت سوسن الفرصة ولحقتني لهناك ؛ وقالت

وهي تجرني من ايدي وكأنها تحارس ها اللحظة بفارغ الصبر...

_ تعالي اهني... بسرعة فهميني القصة !

_ (ابرود ) أي قصة ؟

_ (وهي تعض على شفايفها) منايو لا تستهبلين ! شلون يوسف قرر فجأة يجي

ويخطبش وانتين ما تواطنينه خير شر ؟؟ شكلكم متفقين.. مو جدي ؟!

_ اي متفقين.. ارتحتين ألحين ؟

_ (بجدية) منى أني مو مضايقة بالعكس.. زواجش من يوسف راح يقربنا أكثر

من بعضنا..

_ (ترددت شوي ولكن عزمت أفهمها كل شي ) سوسن أحنا مو محتاجين أتزوج

أخوش عشان تستمر صداقتنا.. اني ويوسف متفقين ان الزواج بس لين ما نكمل

دراستنا..

_ (قاطعتني) وييييييييش ؟؟؟ يعني يتطلقون ؟؟؟؟؟؟؟؟؟؟؟

_ (جوت بوزها) أش ! سكتي لا تفضحينا !!

_ (بعصبية) وليش ما يكون زواج على طول ؟ انتين تدرين جيفا النظرة الى المطلقة

في مجتمعنا يا منى ؛ واحتمال كبير محد يتقدم لش بعدين !

_ أولا أني ما أفكر الا بدراستي وما أمبي أورط روحي بجهال.. ثانيا توش قايلة

أني ما واطن يوسفو...

_ ( ضربت كف بكف) والله حالة ؛ صدق انتون مجانين !!

وأخذتنا المناقشة لين ما قاطعنا صوت الجباب برى ؛ وتونا بنعلق الا ودخلت علينا

أم يوسف وحضنتني وباركت لي ؛ وهذا أكثر موقف صعب مريت ابه وحسيت فيه

بالذنب من كل أعماقي......

..............................

قال لي أبوي وأني مشغولة بشيلان الأغراض وتنظيف البيت بعد ما راحو

_ والله وكبرتين يا منى وصرتين عروس

مادري ليش حسيت بالحزن في ديك اللحظة.. يمكن لأني أدري ان فراقي عن أبوي

أصعب شي في الموضوع كلا.. علي وعليه.. وان الجملة اللي قالها كانت لأنه حزين

ومو قادر يستوعب زواجي وبعدي عنه كل ها المدة..

_ (قاطع أفكاري) ولكن أنا مستانس لأنش بتحققين حلمش وتدرسين ؛ مع اني للحين

مو قادر أصدق اللي قاعد يصير !!

ولا أني !! لحد الآن مو قادرة أصور مجرد ارتباط اسمي في يوسفو المجنون...

يوسفو كان آخر شخص اتوقعت اني أحط خاتم الزواج في ايده.. ولكن ؛ المصلحة

وما تسوي...........


ساعد في نشر والارتقاء بنا عبر مشاركة رأيك في الفيس بوك




rg,f jpjqv rwm v,um gh jt,j;l hggd lh drvhih uk]i shgtm



 
 توقيع : ولد الجبيل

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 07-15-2008, 01:16 AM   #2
عضو ملكي


الصورة الرمزية صقر السبوره
غير متواجد حالياً

بيانات اضافيه [ + ]
 رقم العضوية : 58
 تاريخ التسجيل :  Nov 2007
 أخر زيارة : 10-30-2013 (11:01 AM)
 المشاركات : 1,020 [ + ]
 التقييم :  10
لوني المفضل : #4E050F
افتراضي



مشكور تقبل مروري


اخوك

صقر السبوره


 
 توقيع : صقر السبوره



Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 07-15-2008, 12:05 PM   #3
عضو نشيط


الصورة الرمزية ولد الجبيل
غير متواجد حالياً

بيانات اضافيه [ + ]
 رقم العضوية : 407
 تاريخ التسجيل :  Apr 2008
 أخر زيارة : 05-11-2009 (07:57 PM)
 المشاركات : 227 [ + ]
 التقييم :  10
لوني المفضل : #4E050F
افتراضي



مشكوووووووووور ويعطيك العافيه
ياخوي صقر
على الرد


 
 توقيع : ولد الجبيل

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
•¤•● ● لا تحسد اللي عنده اموال وعيال ×× وش ينفعك لو كان حـــسدك يزيله ● ● •¤• سلطان الساري منتــدى الشعر الشعـبي المنـقول 5 09-18-2010 07:31 AM
طلب.. اللي عنده تكملة للقصيدة لا يبخل علينا!! سفير العقصان منتدى الشعر المنقول لشعراء العضيلات 5 11-29-2009 12:20 AM
_)-,.-~*'¨¯¨'*•~-.¸ طهر القلم من بين حروف تحتضر)-,.-~*'¨¯¨'*•~-.¸ ابونواف الموسمي المنــــتدى العـــــــام 5 06-23-2009 03:25 PM
اللي عنده بزارين وغاثينه تعال شوف الحل.. girlالعضيلات منتدى إستراحة الاعضاء 4 10-18-2008 02:45 PM
سالفة وقصيدة ( عزة النفـــس ) ابوسعود الجش منتـدى القصص والـروايات 6 02-24-2008 12:03 AM

Facebook Comments by: ABDU_GO - شركة الإبداع الرقمية

الساعة الآن 09:27 PM.



Powered by vBulletin
Copyright ©2000 - 2019, Jelsoft Enterprises Ltd

HêĽм √ 3.1 BY: ! ωαнαм ! © 2010

... جميع الحقوق محفوظه لمنتديات قبيلة العضيــلات من مطير ...

.. جميع المواضيع و الردود تعبر عن رأي صاحبها ولا تعبر عن رأي ادارة منتديات العضيلات ..

a.d - i.s.s.w


Content Relevant URLs by vBSEO 3.5.2