الرئيسية التسجيل البحث لوحة التحكم تسجيل الخروج من المنتدي
 
السلام عليكم (اخر مشاركة : زيـاد العضيله - عددالردود : 0 - عددالزوار : 281 )           »          ابو زياد الصواي خويكم القديم (اخر مشاركة : ابو زياد الصواي - عددالردود : 0 - عددالزوار : 257 )           »          سجل حضورك هُنا (اخر مشاركة : ابو ذيـب الصـوآي - عددالردود : 3498 - عددالزوار : 124587 )           »          قصيدة وطنا🇸🇦 (اخر مشاركة : ابن سحمان - عددالردود : 1 - عددالزوار : 629 )           »          يامل قلبٍ تله❤ (اخر مشاركة : راضي بن ذويبان العضيله - عددالردود : 0 - عددالزوار : 560 )           »          فينا الولاء للموطن اللي كل خيراً يحتويته (اخر مشاركة : راضي بن ذويبان العضيله - عددالردود : 0 - عددالزوار : 535 )           »          مهديااااات أدول (اخر مشاركة : راضي بن ذويبان العضيله - عددالردود : 0 - عددالزوار : 520 )           »          مطير اللي على شبه الجزيره تحمي العاني (اخر مشاركة : راضي بن ذويبان العضيله - عددالردود : 2 - عددالزوار : 592 )           »          مواقع بكل اللغات يسرد سيره الرسول صلى الله عليه وسلم ، ويوضح الاسلام (اخر مشاركة : abouali - عددالردود : 26 - عددالزوار : 3534 )           »          تغطية حفل الاستاذ / ذعار ابن عويض ابن غميض العضيله بضيافة قبيلة السوده من سبيع (اخر مشاركة : التغطيات الإعلامية - عددالردود : 0 - عددالزوار : 1759 )           »         
 
ترحب شبكة منتديات العضيلات الرسميّة بزوارها والمنتسبين إليها من القبيلة وخارجها ادراة الشبكة


الإهداءات

العودة   شبكة منتديات العضيلات الرسمية > الاقسام الادبـيــــة > منتـدى القصص والـروايات

إضغط هنا لإخفاء أو إظهار متطلبات التسجيل السريعالتسجيل السريع إلى المنتدى
التسجيل في شبكة العضيلات الرسمية مجاني ومتاح للجميع ، تستطيع التسجيل إلى الشبكة من خلال هذا النموذج المختصر ...
إسم المستخدم :
كلمة المرور :
تأكيد كلمة المرور :
البريد الإلكتروني :
تأكيد البريد الإلكتروني :
تاريخ الميلاد :    
 
 موافق وأتعهد بالإلتزام على ماقرأت في شروط المنتدى

قصة راكان بن حثلين مع ابن قرمله شيخ قحطان‏‎

منتـدى القصص والـروايات

إضافة رد
 
LinkBack أدوات الموضوع انواع عرض الموضوع
قديم 01-28-2009, 11:22 PM   #1
عضو فعال


الصورة الرمزية الملك
غير متواجد حالياً

بيانات اضافيه [ + ]
 رقم العضوية : 568
 تاريخ التسجيل :  Jun 2008
 أخر زيارة : 03-26-2009 (06:01 PM)
 المشاركات : 348 [ + ]
 التقييم :  10
لوني المفضل : #4E050F
افتراضي قصة راكان بن حثلين مع ابن قرمله شيخ قحطان‏‎



قصة راكان بن حثلين معابن قرمله شيخ قحطان.......
______________________



__________________
هذه القصيدة لابن شافيامير بني هاجر مسندها لمحمد بن هادي بن قرملة أمير

قحطان يستنصر بها علىالعجمان حيث تجمع بين بني هاجر وقحطان أواصر

قربى حيث يقولفيها:





يا راكبن حمـرا بلونـه سحامـه
ترعى الزهروين الشحم فوقها زام

فوقه صبـي مـا تغيـر كلامـه
يِدي الخبر يـم الرفاقـهبَلَـوْلام

يا جـن تـرك الرثـا والحمامـه
إحمولنا مـن قبـل حِـلْالتِنـدام

صبيان قحطـان غشاهـم ملامـه
ويلها على صبيان جلبٍ تلـملام

حنا كمـا مايِـحْ ثمانيـن قامـه
هَيْما وفي جيلانها تسعـةهِيـام

ما يظهر الماء يِحْمي أقصى غمامه
خطـرٍ علـى جيلانهـابتـهـدام

حنـا شـوي وحاميتنـا القرامـه
قطاعةٍ ننطـح ولـو كملـوايـام

أرماحنا وسـط المدينـة علامـة
مع الصحابة حاربوا ذيـكالايـام






ثم رد عليه ابن هادي بقصيدةوهي رسالة تهديد ووعيد واعلان حرب على

العجمان ومنها هذه الابيات :





لـي لابـةٍ حَدَّرتهـا مـن تهامـة
وسلاحها صنعالافرنجـي والاروام

الاروام: جــمــعرومـــــي

ولا بد مـن يـوم يثـور عسامـه
إما علـى المطران ولا علـىيام

ويا ذا البهم والله إن تباري الجهامة
إلين تنزل بين صفـوىوالاوجـام

صفوى والاوجام : مناطق فيالاحساء

حنـا كمـا سيـلٍ يطـم العدامـة
حول على طاش البحر لـهتِلِطـام

العدامه: هو كثبـان رملـيمرتفـع.

هذا علـى عـودٍ وصلنـا سلامـه
اللـي غَثانـا بِالبكـاوالتِّظـيـام

وهذا رد الامام راكان بن حثلين على الشيخ محمد بنقرمله
.................................................. ...



يا راكـبٍ حـرٍ تـذرب سنامـه
نَيَّه جديدٍ فوق نَّيـه مـنالعـام

ما صك لِحْيَه في ليالـي فِطامـه
ومدلهن يشرب لبن كـلمـرزام

إليـا ورد عـدٍ يِطَيِّـرْ حمـامـه
جاله صريمٍ من إلحِيَّـهتقصـام

الـعــد: هـــو بــئــرالــمــاء.

ملفاك ابن هادي كبيـر العمامـه
شيخٍ ورمحه مع أهلالخيل مرسام

مـرٍ يواعدنـا بحـرب وقوامـه
ومرٍ يجينا مـن هـرجوتسـلام

حي الكلام وحـي منهـو كلامـه
اللي لفانـا مـن هـرجالتوهـام

وش الجزا يا شوق زاهي الوشامه
لِسَّابق إللي ما عرفنا لهاأوقـام

أهديت لك نور السلف والجهامـه
باغيه ذخرٍ فـي مقابيـلالايـام

وغديت أنا ويـاك مثـل النعامـة
جاها بَلاها من ثقيـلاتالاقـدام

إن كان تبغي سابقـك والسلامـه
خلوا ضعاينكم مع العتشخـرام

العتش: شعيب في وادي العرمه جنوبالدهناء

حِرِّم عليك النـوط فكـت إبلامـه
ما دام فيهاواحدٍ مـنضنـا يـام

معنا الطويل اللي تجيكـم علامـه
مثل العِديم اللي على الجولصرام

الطويل : هو فـارس ال حبيـشالمشهـور

الترك قبلك زارِنـا بـه زعامـه
قد عافنا وِعْتاض عنا اهلالشـام

الـتـرك : هــم الـدولـةالعثمـانـيـة

وان كان تطري حِدْرتك بالجهامـه
لما توصل بك إلىذيـك الارجـام

ذي ديرة حاكـم كبيـر العمامـه
إللي نحى عنهـا طوابيـرالاروام

قدامـك شيـخٍ رفيـعٍ مقـامـه
الخيل قِرَّح وأبيـض الخـدقـدام

وإن رادها غيره ضربنـا لثامـه
عـودٍ يبـدل هفـوتـهبتـنـدام

يالله عسى الفردوس ملقى إعظامه
اللي بعث دين النبي دينالاسـلام

مثل الدويش اللي يِقَدي الجهامـه
عِقرت جواده فوق رجلهوالاقـدام

وإن كان حَدَّر لابـةٍ مـن تهامـه
حنا لهم في مقطع الصلـبقـدام

الـصـلـب: هـــو وادي الـعـجـمـان
اقبلوحنا لـك نسـوي كرامـه
شِلفٍ على قبٍ سريعـات ألـولام

شِلف: جمع شَلفه وهي أصغـر مـن الرمـح

قـــب : هـــي صـفــة لـلـخـيـل

تسعين رمحٍ كسرت فـيعدامـه
خمسين مِنْهِا بين راكان وحـزام

كم ثار عند إركابنـا مـنكِتامـه
ياما هلك من ضدنا من سبب يـام

كم من حريبٍ دارج الـدمدامـه
يشبع بها السرحان والطير لا حام

الـسـرحــان: لــقــب الــذيـــب

حنا كمـا سيـلٍ تَناحـا غمامـه
حامل بَردهابالفرنجـي والاروام

سيله يقزي ما نحى مـن عدامـه
ورعودها منهـاالمِدَلَـه تقصـام

وان كانكم سيـلٍ يِطْـم العدامـه
حنا زبارٍ يشربالسيـل لا عـام

وان كانكم ضلـع كبيـر حَجامـه
حنا كما نجمٍ على الضلـعهـدام

وان كانكم مثل الرعـد بِنْقِصامـه
فإن الرعد ينبت زبيـديبرضـام

كم سيف هنـديٍ فِظَخْنـا لِجامـه
بأيمانِنا كِنـه مقابيـسالاظـلام

نروي من إرقاب السِّكارا حَيامـه
في هيةٍ يشبع بهـا كـلحـوام

الــهـــيـــة: الــــحـــــرب

قطعالعينٍ اللي عريـضٍ سَنامـه
شقحٍ مفاليهـا مباكيـر الاوسـام

وان كان وِدكعندنا لـك كرامـه
تدري بضيفتنا أهل الشرق والشام

أقبل علينا حي سـوقالمسامـه
وعاداتنا نغلي جلب كـل سـوام

حريبنـا تصبـح بكبـدهندامـه
وبراية الله نجعله حـذو الاقـدام

نرجي مهاشيـل تعـدى تهامـه
لاساق كالله والقدر ناحـرٍ يـام

وصلاة ربي عد منشـى غمامـه
على نبـيٍ خـصهالله بالاكـرام




فاراد الشيخ راكان ان يبعث برسالة فعلية الىابن هادي قبل المعركة ليعرف

بها قوته فنادى بالعجمان فقال من اللي يشوف ليابن هادي وربعه ورد لي

خبرهم فبرز من بين الصفوف واحد من شباب ال حبيشوعمره 15 سنة فجاء الى

قحطان ورأى بيوتهم مبنيه بين الدهناء والصلب متوجهينالى العجمان فسأل

الجنود وهم لا يدرون انه عجمي أين بيت ابن قرمله ( وهومحمد بن هادي )

فقالوا له بيت الشعر الذي يتوسط البيوت هناك فجاء الشابفوقف على بيت ابن

هادي وركز الشلفه فوقعت بينه وبين نار الدلال رسالة تهديدالى ابن هادي

مفادها اني بمقدوري ان اقتلك وهرب الحبيشي فاسرع فرسان قحطانبطلبه

ولكن لم يدركوه فايقن ابن هادي بقوة العجمان فتراجع عن محاربتالعجمان وطلب الصلح ودارت محاوره شعريه بين راكان ابن حثلين وابن قرمله واشترط ابنقرمله بعدم وجود السلاح في المحاوره..................
ولكم تحياتي واعتذر عنالإطاله في الموضوع


--


ساعد في نشر والارتقاء بنا عبر مشاركة رأيك في الفيس بوك




rwm vh;hk fk pegdk lu hfk rvlgi ado rp'hk‏‎



 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-28-2009, 11:46 PM   #2
عضو جديد


الصورة الرمزية أميرة الـورد
غير متواجد حالياً

بيانات اضافيه [ + ]
 رقم العضوية : 32
 تاريخ التسجيل :  Nov 2007
 أخر زيارة : 06-06-2009 (10:54 AM)
 المشاركات : 31 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



أخي الملك أمتعتنآآآآآآ بروعة نقلك


 
 توقيع : أميرة الـورد

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-29-2009, 12:36 AM   #3

مؤسس الموقع



الصورة الرمزية ابن سحمان
غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2007
 أخر زيارة : 07-08-2019 (08:27 PM)
 المشاركات : 8,888 [ + ]
 التقييم :  10
 الدولهـ
Saudi Arabia
 الجنس ~
Male
 SMS ~
ماكل من تبسم لك رفيقك
لوني المفضل : Darkgreen
افتراضي رد: قصة راكان بن حثلين مع ابن قرمله شيخ قحطان‏‎



لاهنت على النقل الجميل والرائع

تقبل مروري يالقرم


 
 توقيع : ابن سحمان

يسرني متابعتكم عبر صفحتي على التويتر
http://twitter.com/#!/ben_sehman


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-29-2009, 12:40 AM   #4

عضو شرف مٌهم



الصورة الرمزية الفيصل
غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Nov 2007
 أخر زيارة : 05-25-2012 (04:35 PM)
 المشاركات : 132 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



يعطيك العافية على النقل


 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 01-29-2009, 01:26 PM   #5

عضو مؤسس



الصورة الرمزية الزعيم
غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Nov 2007
 أخر زيارة : 10-22-2012 (01:36 PM)
 المشاركات : 4,265 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



نقل رائع

بارك الله فيك


 
 توقيع : الزعيم

لا إله إلا الله عدد ما كان و عدد ما يكون وعدد حركات السكون

•○سبـَـَפـآآن آلـّلـ ۈبـפـَـَمده ... سبـَـَפـآآن آلـّلـ آلـعظيـَـَم○•



Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 02-02-2009, 03:26 PM   #6
عضو فعال


الصورة الرمزية الملك
غير متواجد حالياً

بيانات اضافيه [ + ]
 رقم العضوية : 568
 تاريخ التسجيل :  Jun 2008
 أخر زيارة : 03-26-2009 (06:01 PM)
 المشاركات : 348 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



والله انتم الى امتعتوني بردودكم الجميل شكرا لكم جميعا مروركم الاجمل من رائع


 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 10-16-2010, 05:36 PM   #7
عضو جديد


الصورة الرمزية خيال
غير متواجد حالياً

بيانات اضافيه [ + ]
 رقم العضوية : 5167
 تاريخ التسجيل :  Oct 2010
 أخر زيارة : 06-27-2011 (01:42 PM)
 المشاركات : 2 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



السلام عليكم ,,,,, واليكم القصه الحقيقيه
- قصة ابن قرمله وابن حثلين وما حصل بينهم :
-وأسباب استنجاد بني هاجر ببني عمومتهم قحطان :

إخواني الأعزاء اعتقد ان البعض لايعرف سبب استنجاد بني هاجر بقحطان وسوف اسرد لكم الأسباب :

1-معركة بنيان :
نشبت حرب بين فخذ آل فهيده وآل عذبه من قبيلة آل مره ويقال لهم آل فاضل تقاتلا قتالا شرسا حتى يقال ان الاطفال يقتلون فطالت المدة عليهم فاستنجدت فخذ ال فهيده بقبيله بني هاجر و بعض افخاذ قبيله المناصير , أما فخذ آل عذبه فا أستنجد بباقي قبيله آل مرة وقبيله العجمان ووقعت هذه المعركة في مكان يعرف ببنيان وهو عد ماء مشهور ويقع شمالي الوسيع جنوب الأحساء، وكان يقود قبيله الهواجر وبعض افخاذ قبيله المناصير وآل فهيده آل مرة امير آل شافي ويقود قبيله العجمان وقبيله آل مرة راكان بن حثلين, حيث كانت الغلبه والانتصار لبني هاجر و بعض افخاذ قبيله المناصير ونترككم مع القصيدة التي تشرح الاحداث :

للشاعر راشد بن عفيشة الهاجري يقول فيها:



شمالي بنيان من الملا إلـى الغضـا//// قنوف تلاقـت والهنـادي بروقهـا

رعدها القهر والوبـل درج مجبـب/// وشخاتيلها لدن القنا مـن عروقهـا

وحفها دوي الخيل في دكدك الوطـا/// وأصوات حمران النواظر حقوقهـا

وغثيرها البارود والعـج اذا سكـب///أزريت اميز حمرها مـن شفوقهـا

ساقوا لنا كـل أبلـج ينطـح القنـا//// ربع تخلى فـي الهوايل طروقهـا

وسقنا لهم من كـل نمـر مجـرب/// درع صوايدهـا وحمـر شدوقهـا

قصاصيب ملك الموت يامر ونمتثل///بآفات الانفـس يوم جانـا يسوقهـا

وان هافت اوراق الجنايز من السما/// حنـا سببهـا يـوم ربـي يعوقهـا

بشرية يا حـظ مـن هـم رفاقتـه/// هل البل ليمنهـا تبـرت ارفوقهـا

من جايبيها عرضوه اشهب اللضـا//برماح تشابه ضربها فـي مروقهـا

وآلاد منصور هل المدح فـي اللقـا///اللي نهار الضيـق توفـي حقوقهـا

ومخاضيب أجهل من جهل كل جاهل// واشر اهل بقعا ومـن حـل فوقهـا

هل سربة توردعلى الموت لا اقبلت///وان دبرت لا هي تعفـت عنوقهـا

بإيماننا اللي يمتني الذيـب وقعهـا///على الرد تمنع حردها من طفوقهـا

عاداتنـا عنـد المزيـن نـردهـا/// نتسوق في الهيجا إلى حمى سوقهـا

بشلف مضرين عسلهن على اللحـم///وخناجر دفـق الدمـا مـن فتوقهـا

كله لا عني هجننـا يـوم حـدرت/// اللي شلايلهـا لفـت فـي حلوقهـا

وإلا لا عني كـل غـر مترهـف/// اللي تهل الدمع مـن حجـر موقهـا

والا لاعني هجمه شمـخ الـذرى/// اللـي يعـدي للمنـارة غبوقـهـا

هبا اللاش ليمن اسعفت ذي ومثلهـا///رسوم المراجل لعرضت ما يذوقهـا

لها من يقوم بها إلى كبـر حملهـا/// بني هديـب اللـي تعلـق علوقهـا

سلالة سلطـان العبيـدي ويعـرب/// ما حن لوصـول القبايـل نبوقهـا

وصلوا على خيـر البرايـا محمـد////عداد ما غنى الولـع فـي عذوقهـا




2- ثم تقفتها معركة (العضبا ) للثأر من بني هاجر و بعض افخاذ قبيله المناصير ووقعت هذه المعركة في مكان يعرف بالعضبا جنوب الإحساء حيث كان بني هاجر و بعض افخاذ قبيله المناصير تحت قيادة الامير ابن شافي والعجمان وآل مرة تحت قيادة الاميرفهد الدامر وابن فاران وانتصر فيها بنو هاجر و بعض افخاذ قبيله المناصيرعلى العجمان وآل مرة فأرسل الامير راكان بن حثلين هذه القصيدة التاليه يلوم فيها فهد الدامر وابن فاران ومن كان معهم لهزيمتهم ويتمنى لو كان حاضرا :


العذر يالعضبا ترا البعـد خـوان = سترش بعيداُ غايـب مـن محلـه
من طاوع الدامر وشور ابن فاران =اقفا وخلـى حلتـه فـي المذلـه
يستاهلون ربوعنا عقـر الضـان =من كان منهم مفلس جـاب حلـه
ربعا مخاضيب على العسر كرمان = وبشريه للحـرب ماهـي تملـه




وعندما سمع الشاعر راشد بن عفيشة الهاجري بقصيدة راكان اجابه بالقصيدة التاليه ويقول له ليه تلومهم وانت في الوقعه الاوله انهزمت وانت القايد .
فلكم اخواني هذه الأبيات لتبين الاحداث :


يا راكبن من فوق سلكـات لقـران= عوجاً كما القيسان كنهـن لا هلـه

فج المرافق عقـر حثفـات لثفـان= يا ماشبن مـن راس ريـدا مزلـه

مثل القطا لا واعدوهـن بمعطـان= وإن حركوهن جن بالجـرى كلـه

من البحث تنشر مـع وقـت الآذان= والعصر في أم حويض دربك تدله

والصبح ضربهن على بدو راكـان= ويـلا لفيتـه يـا نديبـي فقـلـه

لو نسفهه في هرجته قـال حقـران= إلا نولـم ردهـا حشـمـة لــه

قل ويش عذرك من فلاح وكمعـان= وعرج وخيل الجوف عقرت عما له

(وقل له ترى العضبا تقفـت بنيـان= ومنين ما راح علـة جـات علـه)
هواجر من راس جنـب وقحطـان= نلحق شبوب الحرب شهبـاً وسلـه

هواجر من حربهم شاعفـه جـان= وضياغم ما خلقـوا إلا عنـاً لـه

من وقعنا اللي يمتني الذيب سرحان= كم راس شيخا مـن متونـه نشلـه

إيـلا تلاقينـا والاريـاق يبسـان= لا كلحـت لنيـاب خطـر محلـه

ساروا علينا عقب ما بان فجـران= العين شافت والفنـى قـرب حلـه

بمصقلات شغل صنـاع نجـران= نروي المغلـب والوديـدي نعلـه

كله لعنـي الغـر سحـاب الأردان= أبـو دليقـا فـوق متنـه يهـلـه

أزين عكف باشا يردد لـك الشـان= والغلب طوع وباقي الهـرج خلـه


عكاف باشه هو حاكم الاحساء من المتصرف العثماني التركي وعندما سمع الشيخ راكان البيت الاخير من هذه القصيده قال عسى اللي أخذ عيونه لانه كان ضرير يأخذ قلبه ويقصد راشد ابن عفيشه .

وبعدها جرت موقعة فودة بين بني هاجر وبعض افخاذ قبيله المناصير بقياده اميرآل شافي ضد آل مرة والعجمان وآل مقدام من بني خالد بقيادة راكان بن حثلين وكان بني هاجر وكذلك بعض افخاذ المناصير يريدون ان يقتلوا كثيراُ من المعادين ليشفون غليلهم ويا خذون اكثر لانهم مايرضون ان الواحد بواحد يريدون الواحد من قحطان بمائه من يام وليكسروا شوكه اعداهم

3- موقعة فودة:

قال الشاعر دغش بن سالم بن حامد الهاجري من الكدادات :


خذيـت عاميـن وأنـا أكـن عبـرة= والثالثـة منهـا عظامـي نحايـف

ذكرت الغضا ماني بخاطـي دلوبـج= كما الثور الانبـط همتـه بالعلايـف

يوم على فودة جـرى مـن رفاقتـي= وحمدت أنا ربـي وسيـع الكنايـف

أنا احمد اللي جابهم ثـم رمـى بهـم= ثـمً توليناهـم بـحـد الرهـايـف

اللـي عليـه مـن الرفاقـه جنابـه= غسلها ويلبـس لـه هـدوم نظايـف

قولـوا لبجـاد يخبـر هـل الغضـا= والله علـيـم بالـدمـي الخفـايـف

جبنـا ضحاياهـم عليهـم قـريـب= من البعد ما نرضى لهـم بالشفايـف

خمسة وتسعين قضى في هل الغضـا= مع مثلهم راحـوا لقومـي طرايـف

تفرشـوا منهـم ومنـهـم تلحـفـوا= وتوسـدوا منهـم ومنهـم سنـايـف

ياما غـدا فـي دقلنـا مـن سنافـي= عليـه يبـكـن البـنـي العفـايـف

يامـا شكـى لوعتنـا مـن معـادي= من همنا مـا يمـرح الليـل خايـف

مثل أبن جمعه يوم جانا يبي الطمـع= عـود ويبـرى لـه دمـي وكايـف

من وقع ربع في اللقا تحرز الواجـب= حريبهم يشكـي الونـى والحسايـف

على سالم زيزوم حمر أيـلا أقبلـت= بهواجـر تتعـب جميـع الطوايـف

أيلا قربـوا جمـع لجمـع وقابلـوا= وهابوه مكرمـة المهـار العسايـف

دفعها بكفـه واقتصـر فـي حبالهـا=وضرب مكلوي الجمع ما هوب خايف

هوشيخنا لااعتـاض فينـا البدايـل= وحن جعل مانعتاض فيـه الخلايـف

من عقـب ذا ياراكـب عيـد هيـه= مامونـه تزهـى حسيـن الكلايـف

تلفي لنا ناصر امنـا هاشـل الخـلا= ولـد مبـارك عيـد هجـن نكايـف

صبي بنى الصيـوان جـده وخالـه= وأرث لهم مـن طايـلات النوايـف

ثم بشـره إن حـن جلينـا غمامـه= من كبد من هو مبطيـن بالحسايـف

قضينا السلف وابشر ترا الزود عندنا= لاعاش زهـاد النفـوس الضعايـف

وايلا عطيت العلـم فأنحـر محمـد= ولـد جريـو عيـد هجـن نكايـف

عيد الركايب ومنوة اللي يبي العشـا= وعيد الركايـب موميـات السفايـف

أولاد منصور هـل المـدح والثنـا= مروين مفتـوق السيـوف الرهايـف

ربع على أهل الجوف شفنـا مليحهـم= على الخيل ورد والبكـار العسايـف

عطونا على الفاقه نهار قضـى= لنـاوعليهم بياض الوجه في كـل نايـف



بعدها اتحد العجمان وآل مرة وآل مقدام من بني خالد وقام راكان بن حثلين يرسل الى قبايل يام يطلب النجدة ويجمع الحشود حيث بلغ عدد الحشود ثلاثه اضعاف بني هاجر ومازال يرسل الرسل ينخى قبايل يام يرسلون الرجال للحرب يريد فناء قبيلة بني هاجر والقضاء عليهم نهائياُ وحين علم أمير بني هاجر قام بأرسال قصيده الى الامير الشيخ محمد بن هادي ابن قرمله شيخ قبايل قحطان :

يا راكبٍ حمرا بلونه سحامـه = ترعي الزهر لين الشحم فوقها زام
عليها صبى مـا تغيـر كلامـه= يدي الخبر يم الرفاقـه والاعـلام
منصاك شيـخ بينـات اعلامـه= شيخٍ ورمحه في هل الخيل ملحام
منصاك ابن هادي كبير العمامـه= مكدر الصافـي بعجـات الأيـام
حن درعه الضافي وقوة حزامـه =وعدوة القاسي ندوسـه بالأقـدام
وعده لبن شفلوت راعي الشهامـه شيخ الشيوخ متيهة كـل مـرزام
صبيان قحطـان عليهـم ملامـه والها على صبيان جنـبٍ تلمـلام
تجنبوا درب الرثـاء والملامـه احموا لنـا قـدام وقـت التنـدام
حنا كمـا مايـح ثمانيـن قامـه هيما وفي جيلانها تسعـة اهيـام
ما يظهر المايح من اقصى غمامه خطر علـى جيلانهـا بالتهـدام
ما يظهر المايح من أقصى الغمامه الاجواذيبـاُ وربـعـا وخــدام
وان كان جذابه تنافض اعظامـه خلي ابغلـه فـي قليبـه ولاقـام
حنـا شـوي وشايلتنـا القرامـه = قطاعـةٍ نذبـح ولا كملـوا يـام
ارماحنا وسـط المدينـه علامـه= مع الصحابه قاتلوا ذيـك الأيـام



وعندما وصلت القصيدة إلى محمد بن هادي بن قرمله جمع قبائل قحطان نجد وطلب منهم أن ينتقلوا من نجد إلى بني هاجر في اسفل الديرة وفعلا تجهزوا فرسان قحطان وبدأو المسير باتجاه الشرقيه وقال هذه القصيدة : وفيها يتوعد العجمان :



يا سابقـي تستاهليـن السلامـه= الله يجيرك من بلا سـو الأيـام

لي لابةٍ حدرتهـا مـن تهامـه= وسلاحها صنع الفرنجي والأروام

اعلوهم في الطور ثـور كتامـه =واسفلهم اللي كدر الماء على يـام

ياذا البهم والله أن تباري الجهامه =أيلين تنزل بين صفوى والأوجام

حنا كمـا سيـل يطـم العدامـه= حول على طاش البحر له تلطـام

حنا كما سيـل تلاطـم عجامـه= من الكويت الى الحسا له تلاطام

ولابد مـن يـوم يثـور كتامـه= أما على المطران وإلا على يـام

كله لعينـا شافـي فـي كلامـه= يشكي علينا الضد من قبل ذا العـام



ملاحظه : صفوى : هي مدينة صفوى الحالية في المنطقة الشرقيه وتقع شمال منطقة القطيف
الاوجام : هي ايضا قرية تقع غرب منطقة القطيف .
وعندما علم راكان بن حثلين شيخ العجمان بان قبيلة قحطان قد رحلت من نجد ،وبدأت بالمسير لنصرة قبيلة بني هاجر أولاُ بفتح الطريق أمام جيش قحطان بدك قبيله مطير في الطريق الى الشرقيه وثانيا بتسيير الجيش كامل لمناصرة بني هاجر ابلغ راكان العجمان أن يستعدوا للحرب ، ولكن الحرب مع قحطان شيء عسير المنال . وأرسل بن حثلين بعض الهدايا إلى محمد بن هادي أمير قحطان يطلب منه العودة وعدم الاشتراك في الحرب ، ولكن ابن هادي رفض هدايا راكان بن حثلين وقال : شورك مردود في زورك وهداياك معادة إليك .

وقال الشيخ راكان هذه القصيدة ردا على قصيدة محمد ابن هادي :



ياراكـب حـر تـذرب سنامـه=عليه نـي راكـب نيـه العـام
ماطققـوا لحيـه ليالـي فطامـه=مقوي عظمه لبـن كـل مـرزام
الـى ورد عـد يطيـر حمامـه=جا للصريمة من لحيـه تقصـام
تلفي لبن هادي كبيـر العمامـه=شيخ ورمحه مع هل الخيل مرسام
وش الجزا ياشوق زاهي وشامـه= بالسابق اللي ما عرفنا لها اوقـام
(اهديت لك نور السلف والجهامـة= باغيك ذخرٍ في مقابيل الايـام )
وغديت انا ويـاك مثـل النعامـة= جاها بلاها من ثقيـلات الاقـدام
ولا تطاوع شافـي فـي كلامـه= بالك تطاوع شور فضاي الأنعام
ان كان تبغي سابقـك والسلامـةخلوا ظعاينكم مع العتـش خـرام
الترك قبلك زارنا بـه زعامـهقد عافنا واختار عنا هـل الشـام
ان كان تطري حدرتك بالجهامـةلما توصل بك لهاذيـك الاجـام
قدامكـم شيـخ رفيـع مقـامـه الخيل قرح وابيض الخـد قـدام
يالله عسى الفردوس ملفا عظامـه=اللي بعث دين النبي دين الاسـلام
مثل الدويش اللي يقدي الجهامـة=عقرت جواده فوق رجله والاقدام
ان كان ودك عندنا لـك كرامـة=وتدري بضيفتنا لك الشرق والشام
اقبل علينا حي سـوق المسامـة=وعاداتنا نغلي جلب كـل سـوام

ويقال ان الشيخ راكان لم يقل بعض الابيات التي في القصيده السابقه والتي فيها نوع من التهديد وانما شاعر من العجمان وذلك بعد الصلح الذي قام به الامام فيصل بن تركي ورجوع قحطان الى نجد وذلك لرد الاعتبار وتم الرد عليه من ابن ريفه
والا كيف يقدم الهدايا للسلطان ابن هادي ويهدده
ومن ثم الذهاب لفيصل ابن تركي لطلب الصلح
وايضا فيه بيت في القصيده يدل على ان قائلها ليس الشيخ راكان وهو
قدامكـم شيـخ رفيـع مقـامـه= الخيل قرح وابيض الخـد قـدام
وقد رد الفارس فراج ابن ريفه على هذا الشاعر




فلما وصلت القصيده الى الامير الشيخ محمد ابن هادي اردف بقصيدة يقول فيها:



إن كـان عنـدك للمسيـر كرامـه////عجل ترى ربعي مشافيـق وحيـام

كرامـة تـرث عليـكـم نـدامـه////تصبح ذراريكـم مراميـل وأيتـام

كـم شيـخ قـوم مطلقيـن حزامـه///من عقب لبس الجوخ قدوا له الخـام

نروي ارقاب النشامى هيامه//// في هية يشبع بها الطير لا حام

وان كان تطري السيف تفضح الحامه///لو هو على الدوشان ما كـان تنـلام





وكذلك رد الشاعر الكبير فراج ابن ريفه هذه القصيدة التي قالها في الفترة التي حصل فيها خلاف بين العجمان
وبني هاجر وحيث أن بني هاجر وابن ريفه يجمعهم نسب (ضيغم وجنب) فقد أبدا ابن ريفه استعداده لمساندة بني هاجر وقد تطرق أحد شعراء العجمان لابن ريفه في قصيدته حيث يقول الشاعر العجمي :



يا جنب تركوا الرثي والحمامـه=الحرب قرب وخرب الشرك لسلام
وقولوا لفـراج يعّـرب كلامـه=وألا يخاف الله لياما فجر صـام
الفهري اللي منزلـه فـي تهامـه=يلوي محله في لحاليـح وعجـام
يا مصقره يبغي النصف والسلامه=يبغي عيال محمـد فـي لقايـام



فرّد فراج ابن ريفه بالقصيدة التالية :


يا راكب حر يصاغـي خطامـه= هياف قطاع الريـادي بروجـام
كنه ظليـم يـوم حـق أنهزامـه= لطار عنده يبرق الريـش سهـام منصاك شيخ منزله في العدامـه= واختص لي بالهرج راكان وحزام
يذكر لنا إنهم محتسيـن كرامـه= نعم بهم بالجود ظفـران وكـرام

(فلولا الأمام اللـي تبنـا خيامـه= اللي قرع ربعي بخـطٍ وبلـزام )

كـان يمدينـا كلينـا الكـرامـه أحدٍ كـلا منهـا ومناحـدٍ حـام
والشاعر اللي يخوجـل كلامـه= لا فايد ربعـه ولا هـو بدسـام
الضاعني اللي ابتداء في كلامه=يجعل يمينه في مكانه اليا قام
يكفونك آل معيض ياذا الهلامـه= خيالة آل حبيش لجـات لزحـام
وأنكان تطري منزلي في تهامـه= فلانيب لا جـارٍ ولانـي بغـرام
عبيدي وسـط القبايـل علامـه =أصلٍ وفصلٍ يا الردي ماكر الهام
وأنكان تطرون الرثي والحمامـه= فأنا أحمد الله ما كفرنا بالأنعـام
وأنكان تطرون الفري والجرامـه= فنلبس فرنجي من سريعات لولام
ورماحنا عنـد المدينـة علامـه= مركزاتٍ قبـل نمـرود وهشـام

(حتى الشريف العبدلي أبو عمامه= اللي يقلـط بالعساكـر والأروام

(في دقل ربعي هو وأبوه وعمامه= كلاهم السرحان والطيـر لحـام )
وجنبٍ مفاتيح البـلا والسلامـه= ما حن بمن فيه الروايات رخـام



وذهب الشيخ راكان بنفسه إلى الأمام فيصل بن تركي وطلب منه أن يعيد قبائل قحطان بقوله : يا طويل العمر إن بني هاجر وقحطان لو اجتمعوا معاً فسوف يشعلون النار فينا وفيكم معاً . فقال له الأمام فيصل بن تركي : ( اصلح مع بني هاجر أولاً فأعيد قحطان، وبدون ذلك فلا أستطيع ردهم من نصره بني عمهم
وأرسل الشيخ راكان من فوره إلى الأمير شافي بن سفر أمير بني هاجر يطلب الصلح . فقام ابن شافي وشاور ربعه فشاروا عليه قالوا له حن ذبحنا فيهم اكثر من الى ذبح فينا وتمت المصالحة عند الامام فيصل بن تركي فقام الامام بطلب الى الشيخ ابن قرمله ان يرجع قحطان الى نجد بعد الصلح وقام الأمام فيصل بن تركي بجمع الفارسين المتنازعين جمل بن لبده القحطاني والشيخ راكان بن حثلين وذلك بعد أن استتب السلام بينهما ، والعودة إلى نجد وطلب منهما أن يقول كل منهما بيتاً من الشعر .
فقال الفارس جمل ابن لبدة :




والله لولا فيصل وأمر الامام امطاع=أن قد انشد وننزل بين الحسا وانطاع


وأجابه الشيخ راكان قائلاً :



تراه يكذب يا فيصل ما هوب لك مطواع= نتاف لحية مرشد والشيخ الآخر ضـاع
فقام جمل ابن لبده وقفز عن ضهر الخيل وطرح ابن حثلين ارضا وعضه مع انفه وقام الامام تركي بينهم وانتهت بالصلح .

وكان جمل يقصد في بيته انه لولا امر الامام فيصل لكان اخذو ارض العجمان عنوة وهي التي بين مكان يسمى انطاع والاحساء



هذه القصه الحقيقيه لما حصل بين الشيخ ابن قرمله وراكان ايها الاخوه القراء الاعزاء واتمنى ان تكون هذه القصه من تاريخ الاجداد قد حازت على رضاكم وان اكون قد بينت ما حدث في ذلك الوقت من التاريخ وذلك بالادله والقصائد
وشكرأ للجميع ،،،،،


 

Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 10-17-2010, 04:13 AM   #8

اداري متميز سابق




الصورة الرمزية ملاك روحي
غير متواجد حالياً

بيانات اضافيه [ + ]
 رقم العضوية : 1947
 تاريخ التسجيل :  May 2009
 أخر زيارة : 11-19-2012 (07:36 AM)
 المشاركات : 13,246 [ + ]
 التقييم :  10
 الدولهـ
Saudi Arabia
 الجنس ~
Female
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎






تسلم على إيراد القصه يالطيب
يعطيك العافية




 
 توقيع : ملاك روحي



Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 10-17-2010, 07:20 AM   #9

عضو شرف مٌهم



الصورة الرمزية ابوريان العبداني
غير متواجد حالياً

بيانات اضافيه [ + ]
 رقم العضوية : 2660
 تاريخ التسجيل :  Jul 2009
 أخر زيارة : 08-03-2014 (03:59 AM)
 المشاركات : 8,017 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



يعطيك العاافيه
لا هنت ع ايراااد القصه


 
 توقيع : ابوريان العبداني

قالوا تغزل قلت في شبت النـار= اللي عليها حالقين الرجالي
والنجر يرزم والفناجيـل عبـار = وجمر الغضى له فالوجار اشتعالي
والعود ما بين الرجاجيل ينـدار = ولال التتن من فضل ربي مجـالي
في مجلسٍ مدهال للضيف والجار = ما صك بابه يوم رزقـه حلالـي


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 10-17-2010, 10:06 PM   #10

رئيس الاقسام الأدبية



الصورة الرمزية ابو حمود العضيله
غير متواجد حالياً

بيانات اضافيه [ + ]
 رقم العضوية : 2849
 تاريخ التسجيل :  Aug 2009
 أخر زيارة : 07-15-2013 (01:25 PM)
 المشاركات : 2,477 [ + ]
 التقييم :  10
لوني المفضل : #4E050F
افتراضي رد: قصة راكان بن حثلين مع ابن قرمله شيخ قحطان‏‎



لاهنت على الايراد


 
 توقيع : ابو حمود العضيله

نقره لعرض الصورة في صفحة مستقلة


Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الف الف الف مبروك التخرج للغآلي / راكان الجبيل نايف الزيمي منتدى شؤون الاعضاء 27 08-11-2010 03:32 PM
بي ام دبليو 2010Bmw ،2010 بندر العضيلة منتـدى عـــالم السيـــارات والدراجات 8 05-08-2010 12:50 PM
الان:التقرير المصور لملكة الفخامة والتكنولوجيا بي ام دبليو الفئة السابعة 2010 بندر العضيلة منتـدى عـــالم السيـــارات والدراجات 8 05-03-2010 04:15 PM
بين راكان بن حثلين و دعسان بن حطاب الدويـــش ؟؟ مزيد الجبلي تـــاريخ حمـران النـــواظر 8 09-24-2009 01:16 PM
فضيحة راكان راكانے الجبيلے منتدى إستراحة الاعضاء 6 06-04-2009 10:46 PM

Facebook Comments by: ABDU_GO - شركة الإبداع الرقمية

الساعة الآن 03:20 PM.



Powered by vBulletin
Copyright ©2000 - 2019, Jelsoft Enterprises Ltd

HêĽм √ 3.1 BY: ! ωαнαм ! © 2010

... جميع الحقوق محفوظه لمنتديات قبيلة العضيــلات من مطير ...

.. جميع المواضيع و الردود تعبر عن رأي صاحبها ولا تعبر عن رأي ادارة منتديات العضيلات ..

a.d - i.s.s.w


Content Relevant URLs by vBSEO 3.5.2